ទប់ទឹកភ្នែកអត់ជាប់ទេ ! ទិដ្ឋភាព កញ្ញា នាង គន្ធា នំាសព ប្រាក់សុគន្ធ មកដល់ស្រុកកំណើតហើយ រួចពោលពាក្យទំាងទឹកភ្នែក ថា “សព របស់បងប្រុសនាងខ្ញុំ នឹង…”
សូមរំលឹកឡើងវិញបន្តិចផងដែរថា ពុកម៉ែបងប្អូន ទូទៅ មិនតិចនាក់ទេ ពិតជាស្គាល់ច្បាស់ជាក់ជា មិនខាន កញ្ញា នាង គន្ធា និង លោក នាង ប្រាក់សុគន្ធ នោះ ហើយក៏ត្រូវជាបងប្អូនបង្កើតគ្នា ផងដែរ ដែលធ្លាប់បាន ចូលប្រឡង ក្នុងកម្មវិធី ប្រឡងចម្រៀង លំដាប់ថ្នាក់ពិភពលោក Cambodian Idol រដូវកាលទី២ កំឡុងឆ្នាំ ២០១៦។
ស្រាប់តែ ព្រឹកម៉ិញនេះ នាថ្ងៃទី ២៥ ខែធ្នូ ឆ្នាំ ២០២១ មហាជនជច្រើន ស្លុតចិត្ត យ៉ាងខ្លាំង ក្រោយទទួលបានដំណឹងថា លោក ប្រាក់សុគន្ធ ដែលត្រូវជា បងប្រុស នាង គន្ធា បានលាចាក លោកនេះ បាត់ទៅហើយ។
ក្នុងនោះ គេឃើញ លោក ប៉ែន ចំរុង ដែលជាពិធីករ និងតារាចម្រៀងដ៏ល្បី បានបង្ហោះសារ ទំាងរំជួលចិត្ត និងអាណិតខ្លោចចិត្តថា “ស្លុតចិត្តណាស់ ប្អូនអើយ ប្អូនប្រុស Neang Praksokun ជាមនុស្សស្លូត មិនដែលចេះមានបញ្ហា នឹងអ្នកណាទេ ចេះគោរពគេឯង រួសរាយណាស់ទេហើយគ្នាឡើងមកពីប៉ៃលិនពីរនាក់បងប្អូន ប្រឹងប្រែងខ្លាំងណាស់ ទំរាំបានប៉ុណ្ណឹង
តែបែរជា មកជួបរឿងអកុសលបែបនេះ មិនដឹងពុកម៉ែគាត់ នៅខេត្ត រន្ធត់ក្តុកក្តួលយ៉ាងណាទេ សូមកុសលផលបុណ្យ ដែលខ្ញុំបានសាង សូមឧទ្ទិសដល់ វិញ្ញាណក្ខន្ធ ប្អូនប្រុស ទៅកាន់ សុគតិភព ផងចុះ”។
កញ្ញា នាង គន្ធា ក៏បានបញ្ជាក់ នៅម៉ោងជាង ៥ ព្រឹក នាថ្ងៃទី ២៥ ខែធ្នូ ឆ្នាំ ២០២១ នេះដែរ ដោយនិយាយទំាងទឹកភ្នែកថា “ខ្ញុំនាំបងទៅផ្ទះយើងវិញណា Brak Sokun Real បងជិតបានជួបពុកម៉ែហើយ”។
ទីបំផុត នាង គន្ធា បាននាំសព បងប្រុសមកដល់ស្រុកកំណើតហើយ នៅភូមិព្រៃរំចេក ឃុំតាសាញ ស្រុកសំឡូត ខេត្តបាត់ដំបង រួចបញ្ជាក់បន្ថែមថា “នាងខ្ញុំ បានយកបងប្រុស Brak Sokun Real មកដល់ស្រុកកំណើតហើយ សូមជម្រាបជូនទៅដល់បងប្អូនជិតឆ្ងាយ និងមិត្តភក្ដ័របស់បង សុគន្ធ ទាំងអស់គ្នាជូនជាដំណឹង
សព របស់បងប្រុសនាងខ្ញុំ នឹងធ្វើការបូជានៅថ្ងៃស្អែក នាម៉ោង 7 នាទីយប់ បើសិនជាបងប្អូន ចង់ចូលបុណ្យ បងប្រុស នាងខ្ញុំ តាមរយៈ ABA ( 016745060 Neang Kunthea ) ហើយក៏សូមអភ័យ ដែលនាងខ្ញុំ មិនអាចតបរាល់ខំមិន និងឆាតរបស់បងប្អូន”។
