ប្រធានាធិបតីកូរ៉េខាងត្បូង Moon Jae-in ទំនងជាផ្តល់ការលើកលែងទោសដល់អតីតប្រធានាធិបតីលោកស្រី Park Geun-hye
កូរ៉េខាងត្បូង៖ លោកប្រធានាធិបតីកូរ៉េខាងត្បូង Moon Jae-in ទំនងជាផ្តល់ការលើកលែងទោសដល់អតីតប្រធានាធិបតីលោកស្រី Park Geun-hye ដែលបច្ចុប្បន្នកំពុងជាប់ពន្ធនាគារ បន្ទាប់ពីត្រូវបានកាត់ទោសពីបទអំពើពុករលួយ។ នេះបើយោងតាមការផ្សាយរបស់ទីភ្នាក់ងារសារព័ត៌មាន Yonhap នៅថ្ងៃសុក្រ ទី២៤ ខែធ្នូនេះ ។
លោកស្រី Park ត្រូវបានទម្លាក់ចេញពីតំណែងនៅឆ្នាំ២០១៧ នៅពេលតុលាការធម្មនុញ្ញបានរក្សាការបោះឆ្នោតរបស់សភាដើម្បីចោទប្រកាន់លោកស្រីជុំវិញរឿងអាស្រូវមួយឲ្យជាប់ពន្ធនាគាររួមទាំងប្រធានក្រុមហ៊ុនពីរនាក់ទៀត។
លោកស្រីត្រូវបានទម្លាក់ពីតំណែង បន្ទាប់ពីរកឃើញកំហុសពីបទសមគំនិតជាមួយអ្នកជំនិតម្នាក់ដើម្បីទទួលបានប្រាក់រាប់ពាន់លានដុល្លារពីក្រុមហ៊ុនធំៗឲ្យជួយគ្រួសាររបស់លោកស្រី និងផ្តល់ប្រាក់ដល់មូលនិធិមិនរកប្រាក់ចំណេញរបស់លោកស្រី។
ក្នុងខែមករា តុលាការកំពូលរបស់កូរ៉េខាងត្បូងបានរក្សាការសម្រេចចិត្តឲ្យជាប់ពន្ធធនាគារ២០ឆ្នាំសម្រាប់លោកស្រី Park លើការចោទប្រកាន់ពីបទអំពើពុករលួយដែលនាំឲ្យបញ្ឈប់តំណែងលោកស្រីតាមផ្លូវច្បាប់ និងជាលើកដំបូងដែលមានលទ្ធភាពលើកលែងទោស។
លោកស្រី Park អាយុ៦៩ឆ្នាំមានសុខភាពមិនល្អប្រសើរនៅក្នុងពន្ធធនាគារ រួមទាំងការវះកាត់ស្មាផង៕
