រន្ធត់ណាស់! ស្ត្រីម្នាក់ស្លាប់យ៉ាងរន្ធត់នៅលើដងផ្លូវ មិនដឹងត្រូវអ្វីមកបុក ឬក៏ដួលខ្លួនឯងនោះទេ…
តាកែវ៖ មានករណីគ្រោះថ្នាក់ចរាចរណ៍មួយបានកើតឡើង ដោយស្ត្រីម្នាក់ជិះម៉ូតូតាមដងផ្លូវ មិនដឹងថាមានអ្វីមកបុក ឬក៏ដួលខ្លួនឯងនោះទេ បណ្តាលឲ្យស្លាប់យ៉ាងរន្ធត់នៅលើដងផ្លូវ។
ហេតុការណ៍នេះកើតឡើងនៅម៉ោង៦និង៣០នាទី ព្រឹកថ្ងៃទី១ ខែឧសភា ឆ្នាំ២០១៩ លើផ្លូវជាតិលេខ២ ចន្លោះគីឡីម៉ែត្រលេខ៥២-៥៣ ត្រង់ចំណុចភូមិមានជ័យ ឃុំក្រាំងលាវ ស្រុកបាទី ខេត្តតាកែវ។
សមត្ថកិច្ចមិនទាន់អាចបញ្ជាក់ថា ការស្លាប់របស់ជនរងគ្រោះឈ្មោះ គង់ ពុទ្ធាវី ភេទស្រី អាយុ ៤០ឆ្នាំ មុខរបរកម្មកររោងចក្រ ជិះម៉ូតូម៉ាក ហុងដា សេ១២៥ ស៊េរីឆ្នាំ២០១៣ ពាក់ស្លាកលេខ បាត់ដំបង 1Q-2803 ស្នាក់នៅភូមិដំណាក់ត្រយឹង ឃុះជំរះពេន ស្រុកសំរោង ខេត្តតាកែវខាងលើនេះ ត្រូវបានអ្វីមកបុក ឬក៏ដួលដោយខ្លួនឯងនោះទេ ព្រោះកំពុងតែស្រាវជ្រាវ។
ក្រោយកើតហេតុ សមត្ថកិច្ចបានធ្វើកំណត់ហេតុវាស់វែង ប្រគល់សពឲ្យសាច់ញាតិក្រុមគ្រួសារធ្វើបុណ្យតាមប្រពៃណី៕
