ខ្មែរជួយខ្មែរ! ដើម្បីឲ្យបវរកញ្ញាកម្ពុជាយើង អាចឈានដល់Top 16ដោយស្វ័យប្រវត្តិនោះ, ស្រីអូន ចំណាយលុយរហូតដល់ទៅ…
វត្តមាន របស់ បវរកញ្ញាកម្ពុជាកញ្ញា ងិន ម៉ារ៉ាឌី ម្ចាស់ម្កុដ Miss Universe Cambodia 2021ទៅចូលរួមប្រកួតក្នុងកម្មវិធីប្រកួតMiss Universe លើកទី៧០ឆ្នាំ២០២១ នៅប្រទេសអ៊ីស្រាអែល បាន និងកំពុងទទួលការគាំទ្រភ្លូកទឹកភ្លូកដីពីប្រជាជនកម្ពុជានៅទូទាំងប្រទេស។
ជាក់ស្ដែង ក្រោយ ងិន ម៉ារ៉ាឌី បង្ហាញខ្លួនថ្ងៃដំបូងក្នុងឈុតតំណាងជាតិនោះ (ឈុត វប្បការិកាចត្វានិមិត្ត) បានធ្វើឲ្យប្រជាជនកម្ពុជា កាន់តែគាំទ្រ និងលើកទឹកចិត្តរូបនាងទ្វេដង បើទោះ មានបញ្ហាបន្តិចបន្តួចកើតឡើងពេលបង្ហាញខ្លួនក៏ដោយចុះ។
បន្ថែមលើនេះ ស្រីអូន សម្រស់ធម្មជាតិ នៅថ្ងៃទី១១ ខែធ្នូ ឆ្នាំ២០២១ បានសម្រេច ឧបត្ថម្ភថវិកាចំនួន២ពាន់ដុល្លារសម្រាប់បោះឆ្នោតដល់បវរកញ្ញាកម្ពុជារូបនេះ ដើម្បីអាចឲ្យនាង មានឱកាសឈានចូលដល់Top 16 ដោយស្វ័យប្រវត្តិនោះ។
បង្ហោះភ្ជាប់ជាមួយរូបថតរបស់ងិន ម៉ារ៉ាឌី ជាច្រើនសន្លឹក ស្រី អូន បានបញ្ជាក់ដូច្នេះថា «ខ្ញុំបានធ្វើរួចហើយដើម្បីជួយបវរកញ្ញាចក្រវាលកម្ពុជាយើង គឺប្អូនស្រី ងិន ម៉ារ៉ាឌី ចំនួនទឹកប្រាក់2000$ ស្មើនឹង ២ម៉ឺនសំឡេង សម្រាប់បោះឆ្នោតតាម App ជូនដល់បវរកញ្ញាខ្មែរយើង»។
ស្រីអូន បន្តថា «នៅសល់តែ19ម៉ោងទៀតទេលឿនៗ សូមបងប្អូនចូលរួម ជួយបោះឆ្នោតតាម App Miss Universe ដើម្បីជាកម្លាំងចិត្តដល់កញ្ញាឯករបស់យើង និងអាចមានឱកាសឈានចូលទៅក្នុង Top16 នៅថ្ងៃផ្តាច់ព្រ័ត្រដោយស្វ័យប្រវត្តិ ដែលថ្ងៃផ្តាច់ព្រ័ត្រនៅថ្ងៃទី១៣ វេលាម៉ោង៧ព្រឹក»។
ឆ្លើយតបទៅនឹងទឹកចិត្តដ៏ប្រពៃនេះ ទំព័រហ្វេសប៊ុក «Beauty Pageant Reviewer » បានលើកសរសើរស្រីអូនថា «ដោយចេញពីបេះដូង បងស្រីគឺជាមនុស្សម្នាក់ល្អខ្លាំងណាស់ អ្នកទាំងអស់គ្នាដឹងទេ ពេលនេះគាត់កំពុងតែរវល់ណាស់ តែគាត់នៅតែឆ្លៀតពេល មកជួយបោះឆ្នោតដល់ បវរកញ្ញាចក្រវាលកម្ពុជាយើងទៀត»។
ប្រភព បន្តសរសើរទៀតថា «មិនត្រឹមតែប៉ុណ្ណឹង បងស្រីសួរទៀត ថា បងអាចជួយអ្វីបានថែមទៀត? បងចង់ជួយផុសអោយបងប្អូនយើងជួយរួបរួមគ្នាបន្ថែមទៀត។ បងអើយបងល្អពេកហើយ ខ្ញុំមិនដឹងថា គួរនិយាយពាក្យអរគុណបែបណាទៅកាន់បងទេ សូមព្រះអង្គតាមថែរក្សាបង និងសូមជួបតែរឿងល្អៗពេញមួយជីវិត ដោយក្តីស្រលាញ់និងគោរពនូវទឹកចិត្តដ៏ល្អរបស់បង ស៊ុន្ទរី នួន»៕
