ឌឺដល់ហើយ! រឿងរ៉ាវ បានបញ្ចប់ទៅហើយ តែម្ចាស់ហាង V Shop ពោលពាក្យយ៉ាងចាក់ដោតបែបនេះទៅវិញថា…
ក្រោមការសម្របសម្រួលរបស់ឯកឧត្ដម គី តិច ប្រធានក្រុមមេធាវីស្ម័គ្រចិត្តសម្ដេចតេជោ, ទំនាស់ រវាងលោក ជា ចាន់តុលា និង កញ្ញា ស៊ាន ធារី ត្រូវបានដោះស្រាយបញ្ចប់ កាលពីរសៀលថ្ងៃទី១០ ខែតុលា ឆ្នាំ២០២១នេះ។
ភាគីទាំង២ បានយល់ព្រមដោយស្ម័គ្រចិត្ត និងបានធ្វើ ឯកសារបញ្ចប់ទំនាស់ឈប់ប្ដឹងផ្ដល់គ្នាដោយមានមេធាវីចូលរួមធ្វើជាសាក្សីដឹងឮទាំងអស់គ្នា ចាប់ពីថ្ងៃនេះតទៅ ហើយពួកគេ ក៏មិនមានទំនាក់ទំនងស្នេហា និង អាជីវកម្មអ្វីជាមួយគ្នាទៀតទេ។
ទោះយ៉ាងណា ស្របពេលរឿងរ៉ាវនេះ បានបញ្ចប់ទៅហើយនោះ ស្រាប់តែម្ចាស់ហាងV Shopកញ្ញា ស៊ាន ធារី បែរជាពោលពាក្យយ៉ាងចាក់ដោត ពាក់ព័ន្ធទំនាស់របស់ខ្លួន ដែលបានកើតឡើង និងលើកជាសំណួរទៅកាន់អ្នកគាំទ្រ កាន់តែចាក់ដោតថែមមួយកម្រិតទៀតនោះ។
ជាក់ស្ដែង នៅព្រឹកថ្ងៃទី១១ ខែធ្នូ ឆ្នាំ២០២១នេះ ម្ចាស់ហាងV Shop បានបង្ហោះរូបថត១សន្លឹក ហើយបញ្ជាក់ដូច្នេះថា «នេះគឺជារូបភាពដំបូង ហើយក៏ជារូបថតចុងក្រោយ ដែលខ្ញុំផុសរូបជាមួយគាត់ក្នុងរយៈពេល៤ឆ្នាំជាងនេះ។ គ្រប់យ៉ាងកើតចេញពីកំហឹង សង,សឹក ប្រច័,ណ្ឌ ចង់ឈ្នះចាញ់។
ឈឺចាប់បំផុត ពេលដែលយើងដឹងថា រឿងខ្លះ មិនមែនជាការពិត ដូចដែលអ្នកគ្រប់គ្នាបានឃើញ តែមិនអាចហាស្តីនិយាយ បានត្រឹមតែខាំមាត់សង្កត់ចិត្ត ទទួលយកចាត់ទុកថាជាកម្មពៀរ កាន់តែឈឺចាប់បំផុតគឺមនុស្សដែរស្រលាញ់យើងបំផុតជាអ្នកធ្វើ។
មិនខឹ,ងទេ…កម្មពៀស៊ីសងគ្នារួចរាល់ មិនមានជាប់ជំពាក់អ្វីទៀតទេ ចុងក្រោយសុំត្រឹមតែសង្ឃឹមថាគាត់មានក្តីសុខ អាចរកមនុស្សដែរស្រលាញ់គាត់ ហើយគាត់ក៏ស្រលាញ់ រស់នៅយ៉ាងមានសុភមង្គល ប្រកបការងារអ្វីជោគជ័យ។ សុំទោសរឿងគ្រប់យ៉ាង និង អគុណសម្រាប់ការស្រលាញ់ យកចិត្តទុកដាក់ មើលថែកន្លងមក Good luck….»។
បន្ថែមលើនេះ នៅព្រឹកថ្ងៃដដែល, ធារី បានបង្ហោះសារមួយទៀត លើកជាសំណួរយ៉ាងចាក់ដោតទៅកាន់អ្នកគាំទ្រថា «រឿងភាគចប់ហើយ ចុងក្រោយតួឯកស្រី និងតួឯកប្រុស អត់បានជួបគ្នាទេ សុំជួបគ្នាជួយក្រោយ តើអ្នកទស្សនាខូចចិត្តប៉ុន្មាននាក់ដែរ»។
ដោយឃើញ ធារី ពោលពាក្យបែបនេះទៅរួចនោះ ស្រាប់តែអ្នកគាំទ្រ បញ្ចេញមតិឆ្លើយតបទៅវិញជាច្រើន ក្នុងនោះពួកគេ លើកឡើងថា «អត់ឈឺចាប់ទេនាង តែអាណិតនាងខ្លោចចិត្ត, ចេះនិយាយចឹងទៅរួច, សរសេរចឹងបានទៀតធ្វើដូចគាត់នឹងលេងរឿង, ចែម្នាក់ និងឌឺអ្នកទស្សនាសាហាវៗណាស់ អត់មានយល់ចិត្តអ្នកទស្សនាខំតាមដានតាំងពីដើមដល់ចប់ទេ»៕
