លោកស្រី ធីតា ឃឹះ ជំរុញឲ្យស្ត្រីខ្មែរចូលប្រឡូកនយោបាយច្រើនជាងមុន
ភ្នំពេញ ៖ បើទោះជាការចូលរួមក្នុងវិស័យនយោបាយរបស់ស្ត្រីមិនទាន់បានចំនួនតាមផែនការអភិវឌ្ឍន៍ក៏ដោយ ក៏ការចូលរួមរបស់ស្ត្រីនៅក្នុងវិស័យនយោបាយសម្រាប់ការបោះឆ្នោតឃុំ-សង្កាត់ខាងមុខ លោកស្រី ធីតា ឃឺះ ជំរុញអោយស្ត្រីខ្មែរចូលប្រឡូកនយោបាយច្រើនជាងមុន។
ថ្លែងក្នុងសិក្ខាសាលាថ្នាក់ជាតិស្តីពីការបង្កើនចំនួនអ្នកដឹកនាំស្ត្រីក្នុងវិស័យនយោបាយ និងថ្នាក់សម្រេចចិត្តនៅកម្ពុជា នាថ្ងៃទី២៥ វិច្ឆិកា នេះ លោកស្រី ធីតា ឃឺះ សមាជិកស្ថាបនិកណៈកម្មាធិការលើកស្ទួយស្ត្រីនៅក្នុងនយោបាយ បានអោយដឹងថា “អាណត្តិកន្លងទៅនេះស្ត្រីបានចូលរួមយ៉ាងសស្រាក់សស្រាំហើយស្ត្រីក៏មានសមត្ថភាពគួរសមដែរនៅក្នុងការចូលរួមនេះ ប៉ុន្តែយើងសង្កេតឃើញថាជាលទ្ធផល យើងអត់សូវបានចំនួនជាទីពេញចិត្ត ឬមួយក៏ផែនការណ៍នៅឡើយទេ យើងមានការព្រួយបារម្ភ ចំពោះគោលនយោបាយច្បាស់លាស់ក្នុងការលើកកម្ពស់ស្ត្រីក្នុងតួនាទី“។
លោកស្រី ធីតា ឃឹះ បន្ថែមថា ស្ត្រីកម្ពុជាដែលមានសមត្ថភាពមានចំនួនច្រើន ប៉ុន្តែមិនមានឱកាសចូលរួមវិស័យនយោបាយ។ ផលវិជ្ជមាននៃសមាមាត្ររវាងស្រ្តី និងបុរសក្នុងឆាកនយោបាយ។
លោកស្រីបន្ថែម ថា ស្ត្រីក្លាយជាអ្នកធ្វើគោលនយោបាយរបស់ជាតិ ស្ត្រីធ្វើសេចក្តីសម្រេចចិត្តទៅលើតម្រូវការសង្គម។ ចឹងទៅ ក្នុងការធ្វើគោលនយោបាយ ឬក្នុងការអនុម័តថវិកា ស្ត្រីអាចយកចិត្តទុកដាក់លើបញ្ហាសង្គមកិច្ចច្រើន ពីព្រោះថវិកា បើប្រុសៗអ្នកធ្វើ ភាគច្រើនការសម្រេចរបស់គេ វាធ្លាក់ទៅលើអាទិភាពមនុស្សប្រុស។ កាលណាមិនសូវមានស្រ្តីក្នុងនយោបាយ វាមិនសូវមានគំរូល្អដល់កូនស្រី ប្អូនស្រីយើងទៅថ្ងៃអនាគត ក្នុងការឲ្យស្រីៗ យើងមានចិត្តក្លាហាន ហ៊ានសួរ ហ៊ានថា ហ៊ានធ្វើការសម្រេចចិត្ត»។
លោកស្រី ធីតា ឃឹះ អះអាងថា ការរើសអើងចំពោះស្ត្រីក្នុងនយោបាយនៅតែមាន ជាពិសេសការដាក់ឲ្យស្រ្តីឈរឈ្មោះជាបេក្ខភាពបោះឆ្នោតនៅលេខរៀងក្រោយគេ ទាំងថ្នាក់ជាតិ និងថ្នាក់ក្រោមជាតិ៕
