កីឡាករ សីស្លាប សំណូមពរដល់ក្រសួងពាក់ព័ន្ធ និងវិស័យឯកជន ជួយឧបត្ថមគាំទ្រអភិរក្សប្រភេទកីឡានេះផង

ក្រុមកីឡាករវ័យចាស់ដែលស្រឡាញ់ និងចង់អភិរក្សវិស័យកីឡា សីស្លាប មកពីបណ្តាល ខេត្តក្រុងនានា នៅក្នុងប្រទេសកម្ពុជា សំណូមពរដល់ក្រសួងស្ថាប័នពាក់ព័ន្ធ និងវិស័យឯកជន សូមមេត្តាជួយឧបត្ថមលើកស្ទួយ និងអភិរក្សវិស័យកីឡា ដែលជាអត្តសញ្ញាណរបស់ ខេត្តកោះកុង មួយនេះផង ។

ការសំណូមពរយ៉ាងដូចច្នេះធ្វើឡើង នៅក្នុងឱកាសដែល ពួកគាត់កំពុងជួបជុំគ្នាលេង កីឡាសីស្លាប នៅមុខរមណីដ្ឋានវត្តភ្នំ ដើម្បីបង្ហាញពីប្រភេទកីឡាមួយនេះទៅដល់ភ្ញៀវជាតិ និងអន្តរជាតិដែលបានមកកំសាន្ត នៅទីនោះ នាព្រឹកថ្ងៃទី២៨ ខែមេសា ឆ្នាំ២០១៩ ។នៅវេលានោះ លោកគ្រូ ហ៊ាត់ សុភ័ណ្ឌ អនុប្រធានក្រុមកីឡា សីស្លាប មុខព្រះបរមរាជវាំង បានប្រាប់អោយដឹងថា ការមកលេង សីស្លាប នៅថ្ងៃអាទិត្រនេះ ជាការលេងលក្ខណៈចម្រុះនៃក្រុមសី ទាំងអស់ ចំពោះថ្ងៃផ្សេងៗទៀត ការលេងត្រូវបែងចែកទៅតាម ទៅតាមកន្លែងក្រុមរៀងៗខ្លួន ។

លោកគ្រូ ហ៊ាត់ សុភ័ណ្ឌ បានអោយដឹងថា ប្រវត្តកីឡាមួយនេះ ចេញមកពីតំណាលរឿងព្រេងខ្មែរ ឃុនឆាង ឃុនផែន នៅខេត្តកោះកុង ឯក្បួនច្បាប់នៃការលេងមានច្រើនរបៀប ហើយមានការទាក់ទង និងក្បាច់គុណល្បុកតោ ហើយកីឡាមួយនេះមិនប្រកាន់វ័យទេ ទោះវ័យណាក៏អាចលេងបានដែល ព្រោះការលេងសីនេះ វាផ្តល់ផលប្រយោជន៍ច្រើនដល់សុខភាព ធ្វើអោយកាយសម្បទាយើងរឹងមាំ និងរហ័សរហួន ។ លោកគ្រូ បញ្ជាក់ថា សម្រាប់បងប្អូន ដែលស្រលាញ់ ចូលចិត្តកីឡាប្រភេទនេះ ទាំងអ្នកចេះល្មម អ្នកមិនទាន់ចេះ ទាំងអ្នកចេះហើយ រឺចង់ចូលរួមជាក្រុមអាច ទំនាក់ទំនងទៅកាន់លោកគ្រូបាន ដើម្បីអោយយល់កាន់តែច្បាស់ពីក្បួនច្បាប់នៃការលេង តាមរយៈលេខទូរស័ព្ទ របស់លោកគ្រូផ្ទាល់ ០១៧ ៩៨៧ ៧៧៨ ។

ជាមួយគ្នានេះក្រុមកីឡាករ សីស្លាប ជាច្រើននាក់ទៀតបានប្រាប់អោយដឹងថា ការលេងកីឡាប្រភេទនេះមិនប្រកាន់វ័យឡើយ ហើយការលេងកីឡានេះធ្វើអោយយើងមានសុខភាពល្អ ជៀសឆ្ងាយពីគ្រឿងញៀន ជាពិសេសអាចបង្កើននូវមិត្តភាពទៀតផង ។ពួកគាត់ បានបន្តរថា បច្ចុប្បន្ន ក្រុមកីឡាសីស្លាប បានបង្កើតជាសមាគមន៍សីស្លាបហើយ តែមិនទានមានការរីកចម្រើន ដោយសារគ្មានការឧបត្ថម រឺគាំទ្រ ។ហើយពួកគាត់ក៏បាន សំណូមពរដល់ក្រសួងស្ថាប័ណពាក់ព័ន្ធ និងវិស័យឯកជន សូមមេត្តាជួយឧបត្ថម លើកស្ទួយ និងអភិរក្សវិស័យកីឡា ដែលជាអត្តសញ្ញាណរបស់ ខេត្តកោះកុង មួយនេះផង។

សូមបញ្ជាក់ថា កីឡា សីស្លាប បានបង្កើតជាសមាគមន៍ហើយ បច្ចុប្បន្ន មាន២២ក្រុម នៅទូទាំងរាជធានី ខេត្តក្រុង មានដូចជា ១. ក្រុម សីស្លាបមុខព្រះបរមរាជវាំង , ២. សីស្លាបនាគរាជវត្តឋាន់ ៣. ក្រុម សីស្លាបម៉ុង ឌីយ៉ាល់ ៤. ក្រុម សីស្លាបជ្រោយចង្វា ៥. ក្រុម សីស្លាបឧត្តរាវត្តី ឫស្សីកែវ ៦. ក្រុម សីស្លាបគជសាទឹកថ្លា ៧. ក្រុម សីស្លាបរាជសីក្រុងតាខ្មៅ ៨. ក្រុម សិស្លាបេខត្តកោះកុង ៩. ក្រុម សីស្លាប់ខេត្ត កំពង់ចាម ១០.ក្រុម សីស្លាបអ្នកលឿង (ខេត្ត ព្រែវែង ១១.ក្រុម សីស្លាប ខេត្ត សៀមរាប ១២.ក្រុម សីស្លាបខេត្ត ស្វាយរៀង ១៣.ក្រុម សីស្លាបខេត្ត ស្ទឹងត្រែង ១៤.ក្រុម សីស្លាបខេត្ត ព្រះសីហនុ ១៥. ក្រុម សីស្លាបខេត្ត បាត់ដំបង ១៦. ក្រុម សីស្លាបខេត្ត ត្បូងឃ្មុំ ១៧. ក្រុម សីស្លាបខេត្ត កំពត ១៨. ក្រុម សីស្លាបខេត្ត ក្រចេះ ១៩. ក្រុម សីស្លាប ខេត្តមណ្ឌល គីរី ២០. ក្រុម សីស្លាបខេត្តកំពង់ឆ្នាំង ២១. ក្រុម សីស្លាបខេត្ត ពោធិសាត់ ២២. ក្រុម សីស្លាប ខេត្តកណ្តាល