លោក ហែន វិសុទ្ធ ត្រូវបានតែងតាំងជាអនុប្រធាននាយកដ្ឋានកិច្ចការនយោបាយនៃគណបក្សយុវជនកម្ពុជា
ភ្នំពេញ ៖ លោក ហែន វិសុទ្ធ ត្រូវបានតែងតាំងជាអនុប្រធាននាយកដ្ឋានកិច្ចការនយោបាយ នៃគណបក្សយុវជនកម្ពុជា ។ នេះបេីយោងតាមសេចក្ដីសម្រេចស្ដីពីការតែងតាំងមន្ត្រីនយោបាយ នៃគណបក្សយុវជនកម្ពុជា ចុះថ្ងៃទី ២៣ ខែ សីហា ឆ្នាំ២០២១។
លោក ហែន វិសុទ្ធ ជាយុវជនដែលឈឺឆ្អាលចំពោះសង្គមជាតិ មាតុភូមិ និងស្រលាញ់យុត្តិធម៌សង្គម។ លោក ហែន វិសុទ្ធ មានស្រុកកំណេីតនៅស្រុករមាសហែក ខេត្តស្វាយរៀង។ យុវជនរូបនេះមានជំនាញផ្នែកហិរញ្ញវត្ថុ គណនេយ្យ ធនាគារ គ្រប់គ្រង ភាសាអង់គ្លេស និងជំនាញពាក់ព័ន្ធផ្សេងៗទៀត ដែលជាធនធានមនុស្សដ៏សំខាន់នៅក្នុងគណបក្សយុវជនកម្ពុជា។
គណបក្សយុវជនកម្ពុជា ដឹកនាំដោយ ឯកឧត្ដម ពេជ្រ ស្រស់ ជាប្រធានគណបក្ស បានធ្វេី និងកំពុងតែធ្វេីឱ្យគណបក្សយុវជនកម្ពុជា ជាក្ដីសង្ឃឹមសម្រាប់យុវជន និងប្រជាពលរដ្ឋគ្រប់ស្រទាប់វណ្ណៈនៃប្រទេសកម្ពុជា៕
