ទីបំផុត តារាចម្រៀង បាន មុន្នីល័ក្ខ សម្រេចចិត្តលុបបទចម្រៀង «ជំនោរដើមខែ» និងសុំការអធ្យាស្រ័យ ពីអ្នកនាង ម៉េង កែវពេជ្ជតា…
កាលពីថ្ងៃទី០៩ ខែកញ្ញា ឆ្នាំ២០២១ តារាចម្រៀងអ្នកនាង ម៉េង កែវពេជ្ជតា បានសម្តែងការមិនពេញចិត្តចំពោះម្ចាស់ឆាណែលយូធូប ដែលបានយកបទចម្រៀងរបស់នាង អោយតារាចម្រៀង ច្រៀងឡើងវិញ (Cover) តែមិនបានដាក់ឈ្មោះអោយចំម្ចាស់ដើម ព្រោះបទ «ជំនោរដើមខែ» ដែលជាបទដើមរបស់អ្នកចម្រៀងអ្នកស្រី ម៉ម សុខា តែត្រូវបានអ្នកនាង ម៉េង កែវពេជ្ជតា បានយកមកកែសម្រួលថ្មីខ្លះ ទាំងទំនុកច្រៀង និងការច្រៀងពីអ្នកនាងផ្ទាល់ ពោលគឺ បទនេះ មានភាពល្បីល្បាញបានធ្វើអោយមានការលើកយកមកច្រៀង ដោយតារាចម្រៀងនានា ហើយបង្ហោះតាមយូធូប ដោយបានប្រើប្រាស់ភាសាសរសេរដាក់ថា «មរតកដើម» ដោយមិនបានប្រើប្រាស់ឈ្មោះនាងអោយចំ ។
អ្នកនាងថា អ្នកដែលយកច្រៀងតាម ( Cover ) ទាំងនោះក៏ទទួលបានការសរសើរពីហ្វេនៗរបស់ពួកគេច្រើនគួរសម ។ មិនចម្លែកទេ ព្រោះបទនេះជាបទល្បីស្រាប់ហើយ ។ ប៉ុន្តែដែលចម្លែកនៅត្រង់ថា លើ Subtitle ពេលបង្ហោះរបស់ពួកគេ ក៏ដូចជានៅលើខមិនតបទៅអ្នកគាំទ្រ មិនដែលឃើញអ្នកច្រៀង Cover ឬម្ចាស់ឆានែលយូធូបខ្លះនោះ ហ៊ានប្រាប់គេថា បទនេះយកតាមលំនាំពេជ្ជតា ឬដាក់ Credit អោយម្ចាស់សំនៀងដើមទេ ក្រៅពីប្រើពាក្យដដែលៗថា មរតកដើម ។
ពាក់ព័ន្ធរឿងនេះ តារាចម្រៀង បាន មុន្នីល័ក្ខ បានបង្ហោះសារ សុំការអនុគ្រោះពីតារាចម្រៀងអ្នកនាង ម៉េង កែវពេជ្ជតា ពាក់ព័ន្ធនឹងបទមួយ «ជំនោរដើមខែ» ដែលជាបទដើមរបស់អ្នកចម្រៀងអ្នកស្រី ម៉ម សុខា តែត្រូវបានអ្នកនាង ម៉េង កែវពេជ្ជតា បានយកមកកែសម្រួលថ្មីខ្លះ ទាំងទំនុកច្រៀង និងការច្រៀងពីអ្នកនាងផ្ទាល់ ក្នុងនោះកញ្ញា បានសម្រេចចិត្តថា នឹងលុបបទចម្រៀងនេះ ចេញពីយូធូបរបស់ខ្លួនដើម្បីកុំឲ្យមានបញ្ហា។
នេះបើតាមគណនេយ្យហ្វេសបុកកញ្ញា បាន មុន្នីល័ក្ខ នៅថ្ងៃទី១១ ខែកញ្ញានេះ បានឲ្យដឹងបែបនេះថា៖ នាងខ្ញុំសូមគោរពជម្រាបសួរ ពុកម៉ែបងប្អូន🙏 និង អ្នកបង ម៉េង កែវពេជ្ជតា🙏
ចាសដោយសារ បញ្ហាពាក់ពន្ធ័ នឹងបទចំរៀង “ជំនោរដើមខែ” ប៉ុន្មានថ្ងៃនេះ! ឥឡូវនេះ នាងខ្ញុំ បាន មុនីលក្ខ័ បានធ្វើការលុបបទចំរៀង មួយបទនេះ ចេញពី ឆានែលយូធូប របស់នាងខ្ញុំរួចរាល់ហើយ ដើម្បីកុំអោយមានបញ្ហាមិនសប្បាយចិត្តទាំងអស់គ្នា🙏នាងខ្ញុំ សូមសុំទោសម្តងទៀត ដែលមិនបានត្រួតពិនិត្យខាងបច្ចេកទេសអោយបានត្រឹមត្រូវ🙏 នាងខ្ញុំសូមសន្យាថា នឹងមិនអោយមានបញ្ហាបែបនេះ កើតឡើយទៀតទេ🙏
នាងខ្ញុំសង្ឃឹមថា អ្នកបង ម៉េង កែវពេជ្ជតា និងពុកម៉ែបងប្អូនទាំងអស់គ្នា យោគយល់ និង អធ្យាស្រ័យដល់នាងខ្ញុំ🙏🙏🙏
គួរបញ្ជាក់ផងដែរថា បទ: ជំនោរដើមខែ ជាបទចម្រៀងដ៏មានប្រជាប្រិយភាពខ្លាំងក្នុងចំណោមបទល្បីៗជាច្រើនរយពាន់បទរបស់នាងខ្ញុំ ម៉េង កែវពេជ្ជតា ។ នាងបញ្ជាក់ថា ថ្វីត្បិតតែបទនេះ មានប្រភពពីអ្នកចម្រៀងរៀមច្បងជំនាន់សាធារណរដ្ឋប្រជាមានិតកម្ពុជា ( ១៩៧៩-៨៩ ) គឺលោកស្រី ម៉ម សុខា ប្រគំភ្លេងដោយក្រុមតន្ត្រី វិទ្យុជាតិកម្ពុជា ប៉ុន្តែចំពោះទំនុកច្រៀងចាស់នោះ ពេជ្ជតា បានកែសម្រួលជាថ្មីខ្លះ ដើម្បីតម្រូវតាមថតភាពសង្គមសម័យព្រះរាជាណាចក្រកម្ពុជា គឺប្តូរពីបទចម្រៀងបែបនយោបាយមកជាបែបជីវភាពរស់នៅប្រចាំថ្ងៃរបស់ប្រជាកសិករខ្មែរទូទៅវិញ ដោយកាលណោះ ពេជ្ជតា បានប្រើពេល ប្រើគំនិត និងដាក់អារម្មណ៍បញ្ចូលតួខ្លាំងណាស់ ទំរាំបទនេះក្លាយជាបទចម្រៀងមានអត្ថន័យសមស្រប និងកាន់តែពេញនិយមសម្រាប់អ្នកស្តាប់គ្រប់ស្រទាប់ ។
