អស់ពីឡានគ្រឿងពេជ្រ ទេព បូព្រឹក្ស ទិញផ្ទះតម្លៃខ្ទង់ម៉ឺនថ្ងៃខួបស្នេហ៍ ៥ ឆ្នាំ ឱ្យមិត្តប្រុស….

ជាការពិតណាស់ ទោះបីជាបានបង្ហាញពីភាពផ្អែមល្ហែមស្ទើររៀងរាល់ថ្ងៃយ៉ាងណាក៏ដោយ ប៉ុន្តែគូស្នេហ៍តារាចម្រៀង ទេព បូព្រឹក្ស និង តារាចម្រៀងរ៉េប ជី ដេវីដ ហាក់ទទួលបានការចាប់អារម្មណ៍ជារឿយៗទាក់ទងពីចំណងស្នេហ៍របស់ពួកគេ។

ជារៀងរាល់ឆ្នាំ ឲ្យតែដល់ថ្ងៃខួបគម្រប់ចំណងស្នេហ៍ អ្នកទាំងពីរតែងតែរៀបចំកម្មវិធី surprise គ្នា ដោយកាលពីឆ្នាំមុនៗគេឃើញថាគូស្នេហ៍វ័យក្មេងមួយគូនេះបានទិញនូវគ្រឿងអលង្ការដាំពេជ្រទាំងគ្រាប់ៗ តម្លៃរាប់ម៉ឺនដុល្លារជូនគ្នា និង មានទាំងកាដូយ៉ាងធំគឺឡាន ROLLS ROYCE GHOST ពញ្ញាក់អារម្មណ៍គ្នាទៀតផង។

គេចាំបានថា កាលពីថ្ងៃទី ១៩ ខែកក្កដា ឆ្នាំ ២០២០ ជី ដេវីដ បានទិញកាដូឡាន ROLLS ROYCE GHOST តម្លៃខ្ទង់មួយលានដុល្លារជូនដល់មិត្តស្រី គឺកញ្ញា ទេព បូព្រឹក្ស ធ្វើឱ្យមហាជនលាន់មាត់សរសើរ ជាពិសេសនារីៗច្រណែននឹងនាងខ្លាំងទៀតផង ដែលមានគូស្នេហ៍ស្រឡាញ់នាងខ្លាំងយ៉ាងនេះ។
ដោយឡែកនៅក្នុងឆ្នាំ ២០២១ នេះ ចំណងស្នេហ៍របស់លោក ជី ដេវីដ និង កញ្ញា ទេព បូព្រឹក្ស ក៏បានឈានដល់ ៥ ឆ្នាំ ហើយ ហើយឆ្នាំនេះក៏មិនខុសពីឆ្នាំមុនឡើយ ដោយតារាប្រុសស្រីវ័យក្មេង ២ រូបនេះ បានទិញកាដូពញ្ញាក់អារម្មណ៍ជូនដៃគូជាថ្មីទៀតហើយ។
នៅថ្ងៃទី ០៧ ខែកញ្ញា ឆ្នាំ ២០២១ នេះ លោក ជី ដេវីដ បានបង្ហោះសាររំភើបចិត្តយ៉ាងខ្លាំង ក្រោយពីកញ្ញា ទេព បូព្រឹក្ស បានទិញកាដូផ្ទះវីឡាជូនលោក ដោយកំពុងចាប់ផ្តើមសាងសង់បណ្តើរៗ ។ សារនោះ លោក ជី ដេវីដ បានរៀបរាប់ថា «Happy 5th Years anniversary!
ក្នុងរយ:ពេល ៥ ឆ្នាំមកនេះប្រៃល្វីងជូរចត់ សប្បាយរីករាយ តែយើងបានជំនះទោះថ្ងៃនេះជោគជ័យបន្តិចបន្តួច តែពួកយើងនៅតែកាន់ដៃគ្នាតស៊ូ ពាក្យមួយឃ្លាដែលបងចង់និយាយក្នុងថ្ងៃនេះ បងពិតជាមានមោទកភាពណាស់ ដែលបានរួមដំណើរលើផ្លូវជីវិតនេះជាមួយអូន។ ឆ្នាំនេះចង់ប្រាប់បងប្អូនថា ខ្ញុំទេអ្នកដាច់ចង្កេះ និយាយទៅ My Tep Boprek ធ្វើស៊ីសាហាវណាស់ ចាំមើល vlogស្អែក»៕