សមាជិករដ្ឋសភា បានបោះឆ្នោតគាំទ្រ ផ្តល់សេចក្តីទុកចិត្តទាំងស្រុង ចំពោះរូបលោក ប្រាជ្ញ ចន្ទ ជាប្រធាន គ.ជ.បថ្មី

(ភ្នំពេញ)៖ សមាជិក-សមាជិការដ្ឋសភា ដែលចូលរួមក្នុងកិច្ចប្រជុំពេញអង្គរដ្ឋសភា នៅព្រឹកថ្ងៃទី២៤ ខែ​មិថុនា ឆ្នាំ២០២១ នេះ បានបោះឆ្នោតគាំទ្រ ផ្តល់សេចក្តីទុកចិត្តទាំងស្រុង ចំពោះរូបលោក ប្រាជ្ញ ចន្ទ អតី​តប្រធានគណៈកម្មការទី១ នៃរដ្ឋសភា បានជាប់ឆ្នោតជាប្រធានគណៈកម្មធិការជាតិ រៀបចំការបោះឆ្នោត (គ.ជ.ប)ថ្មី ជំនួសលោក ស៊ិក ប៊ុនហុក ដែលបានស្នើ សុំលាលែងពីតំណែង។ កិច្ចប្រជុំរដ្ឋសភា នាព្រឹកថ្ងៃ ព្រហស្បត្តិ៍នេះ ធ្វើឡើងក្រោមអធិបតីភាព សម្តេចពញាចក្រី ហេង សំរិន ប្រធានរដ្ឋសភាកម្ពុជា ដោយមានសមាជិកសភាចូលរួមចំនួន៨២រូប៕