អ្នកគាំទ្រ ក្លឹបRealសរសេរបដាដៀល Atleticoចាក់ដោតបំផុតក្នុងជំនួប derby ដែល Atletico មិនដែលឈ្នះសោះ
ជាប្រវត្តិសាស្ត្រក្រុម Real Madrid តែងតែគ្របដណ្តប់ការប្រកួតលើ Atletico Madrid ដែលជាខ្លា២នៅទីក្រុងម៉ាឌ្រីដតែមួយ។
/5cc33150cb0c0_1556295960_large.jpg)
ក្រុម Los Blancos ឈ្នះ២៥ ក្នុងចំណោម ៣៦ ប្រកួតរវាងគូប្រជែង២ដែលមានមូលដ្ឋាននៅទីក្រុងតែមួយ ឬ ជំនួប derby ចាប់ពីឆ្នាំ ១៩៩៣ ដល់ឆ្នាំ ២០១២ ពោលគឺជិត២០ឆ្នាំ ក្នុងអំឡុងពេលនោះ Atletico Madrid អាចតដៃយកឈ្នះ Real Madrid តែ២ដងប៉ុណ្ណោះ។
រហូតដល់ក្រុមអ្នកគាំទ្ររបស់ក្លឹបរហស្សនាមអធិរាជសបានសរសេរបដាសើចចំអកនៅក្នុងឆ្នាំ ២០១១ ជាភាសាអេស្ប៉ាញ “Se busca rival digno para clásico decente” ដែលពួកគេចង់មានន័យថា ពួកគេចង់បានគូប្រជែងរួមទីក្រុងឲ្យខ្លាំងជាងនេះ។
ទីបំផុតការចង់បានរបស់អ្នកគាំទ្រក្លឹបម្ចាស់ជើងឯក Champions League ៣សម័យកាលជាប់ៗគ្នាពិតជាសម្រេចដូចបំណងមែន ក្រោយពេលដែលលោក Diego Simeone បានមកដឹកនាំ Atletico ចាប់តាំងពីចុងឆ្នាំ២០១១មក។
/5cc331510d213_1556295960_large.jpg)
ចាប់តាំងពីដើមរដូវកាលដំបូង ២០១២/១៣ ដែលគ្រូបង្វឹកសញ្ជាតិអាហ្សង់ទីនទៅដឹកនាំក្លឹបនៅទីក្រុងម៉ាឌ្រីដ មកដល់បច្ចុប្បន្ន ក្រុមទាំង២ឈ្នះ៩ប្រកួតដូចគ្នាក្នុងចំណោមប្រកួតសរុបទាំង២៨។
Atletico លែងជាខ្លាកំសាកដូចមុនទៀតហើយ ចែកគ្នាដណ្តើមទាំងពានធំៗរបស់អឺរ៉ុបរៀងៗខ្លួន និង ពានក្នុងស្រុកហូរហែដូចគ្នា។ ដោយក្នុងនោះ លោក Simeone បានជួយ Atletico Madrid ឈ្នះ Europa League ២លើក La Liga ១លើក ហើយរដូវកាលមុនបានបញ្ចប់ចំណាត់ថ្នាក់លេខ២នៅក្របខ័ណ្ឌបាល់ទាត់អេស្ប៉ាញ ខណៈដែលរដូវកាលនេះបន្តឈរលេខ២ ហើយកំពុងនាំមុខគូប្រជែង Real Madrid៕
អត្ថបទ៖ គឹមស្រ៊ិន
