ស្ងាត់ៗ! Klapyahandz ប្រមូលអស់អ្នកចម្រៀងល្បីៗប្រចាំក្រុម ត្រៀមចេញសម្តែងនៅឯ ប្រទេសជប៉ុន ក្នុងខែឧសភាខាងមុខនេះ

ក្លាបយ៉ាហ៊ែន (Klapyahandz) ជាក្រុមចម្រៀង Original Song មួយដែលមានប្រវត្តិល្បីមកជាច្រើនឆ្នាំហើយ ដោយបងប្អូនភាគច្រើនបានស្គាល់តារាចម្រៀងនៅក្នុងក្រុមនេះដូចជា ស្រីល័ក្ខណ៍ ម្ចាស់បទ “ស្នេហាក្នុងពេលរាត្រី”, និង វុទ្ធា ម្ចាស់បទ “ក្រមុំបីស្តាយ” ជាដើម។ ទោះបីជាមិនសូវបានផ្សព្វផ្សាយតាមរយៈកញ្ចក់ទូរទស្សន៍ ឬចេញមុខច្រើនក្នុងកម្មវិធីផ្សេងៗ តែក្រុម ក្លាបយ៉ាហ៊ែន គឺមានកេរ្តិ៍ឈ្មោះល្បីមិនធម្មតានោះឡើយ ជាពិសេសគឺចំពោះមិត្តយុវវ័យដែលនិយមលេងបណ្តាញសង្គមតែម្តង។

ជាក់ស្តែងថ្មីៗនេះក្រុម ក្លាបយ៉ាហ៊ែន បាននាំក្រុមអ្នកចម្រៀងរបស់ខ្លួនចេញទៅសម្តែងនៅឯប្រទេសជប៉ុន នៅខែឧសភាខាងមុខនេះ នៅឯទីក្រុងតូក្យូ ដោយមានការចូលរួមសម្តែងពី វុទ្ធា, វិទូ, Reezy, យុទ្ធ ស្រីល័ក្ខណ៍ និងសមាជិកជាច្រើននាក់ទៀត។ គេសង្កេតឃើញថាមានការខំមិនជូនពរ និងគាំទ្រពួកគាត់ជាខ្លាំង ដោយប្រិយមិត្តអ្នកគាំទ្រហាក់សប្បាយចិត្តដែលបានឃើញតារាក្នុងដួងចិត្តអាចចេញសម្តែងក្រៅប្រទេសដើម្បីផ្សព្វផ្សាយវិស័យតន្ត្រីខ្មែរ៕