មួយឈុតនេះរបស់ នាយ គ្រឿន ធ្វើឲ្យទស្សនិកជនសើចដោយមិនដឹងទេ!
នាយ គ្រឿន ទៀតហើយ តារាកំប្លែងពេញនិយមបានចេញមុខបន្តបន្ទាប់ក្នុងឆ្នាំ ២០១៩ នេះ ពោលគឺក្រោយពីសម្ពោធរឿងថ្មីមួយកាលពីមុនបុណ្យចូលឆ្នាំខ្មែរ ឥឡូវស្រាប់តែមកចេញមុខក្នុងរឿងថ្មីមួយទៀតហើយ គឺជារឿងរបស់ផលិតកម្មមហាហង្ស។
រឿងនេះ មានចំណងជើងថា “ផ្ទះចុងភូមិ” ជារឿងខ្នាតធំប្រភេទរឿងខ្មោច សម្រាប់ចាក់បញ្ចាំងនៅរោងកុន និងវណ្ណកម្មទី១របស់ផលិតកម្មលោក អ៊ិន សុភិន សម្រាប់ឆ្នាំ ២០១៩នេះ។ នេះបើតាមសិល្បករមួយរូបដែលចូលរួមសម្ដែងក្នុងរឿងខាងលើបានបញ្ចេញឲ្យដឹង។
សាច់រឿងខាងលើ មានខ្លឹមសារយ៉ាងណា មិនទាន់មានការទម្លាយឲ្យដឹងនៅឡើយទេ។ ប៉ុន្តែតាមរយៈឃ្លិបខ្លីមួយនៃភាពយន្តខាងលើ បង្ហាញពីការសម្ដែងរប
ស់នាយ គ្រឿន ជាមួយលោក ជា សុវណ្ណនរាហ៍ ដែលត្រូវបានផលិតកម្ម បញ្ចេញនៅលើទំព័រហ្វេសប៊ុករបស់ខ្លួននោះ បានឲ្យដឹងថា រឿងនេះ ជាប្រភេទរឿងដ៏ភ័យរន្ធត់មួយ ខណៈអ្នកនិយមគាំទ្រភាពយន្តខ្មែរ បាន និងកំពុងជជែកពីបញ្ហានេះ។
ចំណុចចាប់អារម្មណ៍ ទស្សនិកជនម្នាក់បានសរសេរសារថា រូបគេភ្ញាក់ដល់ទៅ២ដង គ្រាន់ទស្សនា១ឈុតនោះ។ ជាមួយគ្នា គេឃើញទំព័រហ្វេសប៊ុករបស់ផលិតកម្ម បានសរសេរតបទៅអ្នកគាំទ្ររូបនោះវិញថា៖ “ទៅគេសុំទោស ? មកមើលរឿងពេញ បែបធ្លាក់ពីកៅអីយ៉ាង!”។
តោះ…ឥឡូវទស្សនាបន្តិចទៅមើល មុនពេលរឿងនេះ ត្រូវបានគេចាក់បញ្ចាំងឲ្យទស្សនានៅដើមខែក្រោយនេះ!
https://www.facebook.com/mohahangproductionkh/videos/586006425141845/?t=0
