បុរសម្នាក់ផឹកស្រាស្រវឹង បណ្តាលឲ្យកើតជំងឺខ្យល់គស្លាប់
(កំពង់ឆ្នាំង) ៖ បុរសម្នាក់គាំងបេះដូងស្លាប់នៅលើគ្រែ ដោយសារស្រវឹកស្រា បង្កការភ្ញាក់ផ្អើលដល់ប្រជាពលរដ្ឋនៅវេលាម៉ោង២១និង៤០នាទី ថ្ងៃទី២៣ ខែមេសា ឆ្នាំ២០១៩ នៅក្នុងភូមិពោធិ៍ ឃុំពោធិ៍ ស្រុកកំពង់លែង ខេត្តកំពង់ឆ្នាំង ។
ជនរងគ្រោះមានឈ្មោះ មុំ សំអឿន ហៅចក់ ភេទប្រុស អាយុ៥០ឆ្នាំ រស់នៅភូមិ ឃុំកើតហេតុ ។
មុនពេលកើតហេតុ ជនរងគ្រោះបានផឹកស្រាស្រវឹងជោគជាំ ហើយទៅផ្ទះរបស់ខ្លួនពុំរួច ក៏បានដេកនៅលើគ្រែក្រោមសំយ៉ាបផ្ទះឈ្មោះ ហេន វី រហូតដល់វេលាកើតហេតុ ទើបដឹងថា ជនរងគ្រោះបានដាច់ខ្យល់ស្លាប់ រួចក៏រាយការណ៍ទៅសមត្ថកិច្ចចុះមកធ្វើកោសល្យវិច័យលើសាកសព និងបានប្រគល់ឲ្យក្រុមគ្រួសារយកទៅធ្វើបុណ្យតាមប្រពៃណី ៕
អត្ថបទ ៖ កាម៉ង់ដូ
