លោក ពេជ្រ ស្រស់ ៖ ខ្ញុំមានក្តីសុបិន្ត ៣នៅក្នុងឆាកជីវិតរបស់ខ្ញុំ សម្រាប់មាតុភូមិជាតិ និងប្រជាពលរដ្ឋខ្មែរ ដើម្បីលើកមុខមាត់ដូនតាខ្មែរ

(ភ្នំពេញ)៖ លោក ពេជ្រ ស្រស់ ប្រធានគណបក្សយុវជនកម្ពុជា និងជាសមាជិក នៃឧត្តមក្រុមប្រឹក្សាពិគ្រោះ និងផ្ដល់យោបល់បានបង្ហាញនូវក្តីសុបិនសំខាន់ៗចំនួន០៣ របស់លោក។

តាមរយៈសំណេរនៅលើគណនីហ្វេសប៊ុករបស់ប្រធានគណបក្សយុវជនកម្ពុជាលោក ពេជ្រ ស្រស់ បានសរសេរយ៉ាងដូច្នេះថា « ខ្ញុំ ពេជ្រ ស្រស់ មានក្តីសុបិន្តចម្បង ៣ ក្នុងឆាកជីវិតខ្ញុំ១. ការពារទឹកដីកម្ពុជាឲ្យនៅគង់វង្ស និង ធ្វើឲ្យកម្ពុជាខ្លាំងលើគ្រប់វិស័យគឺដើម្បីស្តារមុខមាត់ដូនតាខ្មែរ២. បង្កើននូវជីវភាពរបស់ពលរដ្ឋខ្មែរឲ្យធូរធាររស់នៅក្នុងភាពថ្លៃថ្នូរ និងមានការធានាជីវភាពឲ្យសមរម្យ៣.បង្កើតមណ្ឌលថែទាំចាស់ជរាគ្មានទីពឹងនិងក្រីក្រ»។

លើសពីនេះទៅទៀត លោកថែមទាំងប្ដេជ្ញាចិត្តខិតខំប្រឹងប្រែងដើម្បីសម្រេចនូវក្តីសុបិនរបស់លោកដើម្បីឲ្យបានជោគជ័យ ក្នុងការបម្រើប្រយោជន៍ជាតិមាតុភូមិរបស់លោក។ ដោយលោកបានសរសេរថា «ខ្ញុំ ពេជ្រ ស្រស់ នឹងតស៊ូសម្រេចឲ្យបាននូវក្តីសុបិន្ត៣ចំណុចខាងលើដើម្បីប្រទេសខ្ញុំនិងបងប្អូនជនរួមជាតិ»៕