របួសធ្ងន់ម្នាក់ ដោយសាររថយន្ត២គ្រឿងបុកគ្នា នៅខណ្ឌព្រែកព្នៅ
ភ្នំពេញ ៖ គ្រោះថ្នាក់ចរាចរណ៍បង្កឡើងដោយរថយន្ត២គ្រឿងប៉ះទង្គិចគ្នា បណ្តាលឲ្យមនុស្សម្នាក់រងរបួសធ្ងន់ នាវេលាម៉ោង១៣និង១៥នាទី ថ្ងៃទី២៤ ខែមេសា ឆ្នាំ២០១៩ នៅចំណុចមុខការដ្ឋានដីតាកៅ លើមហាវិថីឈ្នះៗ ភូមិកប់ស្រូវតូច សង្កាត់គោករកា ខណ្ឌព្រែកព្នៅ រាជធានីភ្នំពេញ ។
សមត្ថកិច្ចបានឲ្យដឹងថា រថយន្តទី១ម៉ាក HINO ពណ៌បៃតង ពាក់ស្លាកលេខ ចង្កូតស្តាំ PP-2236 ធ្វើដំណើរលើផ្លូវលំក្នុងគោលបំណងផ្លងមហាវិថីឈ្នះ-ឈ្នះ ក្នុងទិសដៅពីជើងទៅត្បូង អ្នកបើកបរមិនស្គាល់អត្តសញ្ញាណ( គេចខ្លួនពីកន្លែងកើតហេតុ ។ លុះមកដល់កន្លែងកើតហេតុបានបុកជាមួយរថយន្តមួយគ្រឿងម៉ាក HILANDER ពណ៌ទឹកប្រាក់ ពាក់ស្លាកលេខ ភ្នំពេញ 2Y-2249 ធ្វើដំណើរក្នុងទិសដៅពីកើតទៅលិច បើកបរដោយឈ្មោះ សាំង ស៊ិន ភេទប្រុស អាយុ ៥៧ឆ្នាំ ស្នាក់នៅភូមិច្រេស សង្កាត់គោករកា ខណ្ឌព្រែកព្នៅ រាជធានីភ្នំពេញ បណ្តាលឲ្យរបួសធ្ងន់ ។
មូលហេតុនៃគ្រោះថ្នាក់ខាងលើនេះ បណ្តាលមកពីរថយន្ត HINO បើកបរឆ្លងផ្លូវខ្វះការប្រុងប្រយ័ត្ន ។
បច្ចុប្បន្ន នគរបាលជំនាញនៃការិយាល័យនគរបាលចរាចរណ៍ផ្លូវគោករាជធានីភ្នំពេញ កសាងសំណុំរឿងអនុវត្តតាមនីតិវិធី ៕
ប្រភពពី ៖ អគ្គស្នងការដ្ឋាននគរបាលជាតិ
ដកស្រង់អត្ថបទដោយ ៖ កាម៉ង់ដូ
