កំលាំងជំនាញខណ្ឌសហប៉ុស្តិ៍បានធ្វើការស្រាវជ្រាវបង្ក្រាបជាក់ស្ដែង ករណីរក្សាទុកដោយខុសច្បាប់នូវសារធាតុញៀន
ភ្នំពេញ ៖ កំលាំងជំនាញខណ្ឌសហប៉ុស្តិ៍បានធ្វើការស្រាវជ្រាវបង្ក្រាបជាក់ស្ដែង ករណីរក្សាទុកដោយខុសច្បាប់នូវសារធាតុញៀន ត្រង់ចំណុចផ្លូវបេតុង ក្រុមទី៩ ភូមិឃ្លាំងសាំង សង្កាត់ឫស្សីកែវ ខណ្ឌឫស្សីកែវ រាជធានីភ្នំពេញ ឃាត់ខ្លួនជនសង្ស័យ២នាក់ កាលពីថ្ងៃទី២០ ខែមេសា ឆ្នាំ២០១៩ វេលាម៉ោង២១និង៣០នាទី ។
ជនសង្ស័យទាំង២នាក់រួមមាន ៖
១.ឈ្មោះ ណាត សុណាន់ ភេទប្រុស អាយុ១៨ឆ្នាំ ជនជាតិខ្មែរ ស្នាក់នៅក្នុងហាងនំបុ័ងភ្នំពេញ ភូមិផ្សារតូច សង្កាត់ទួលសង្កែ១ ខណ្ឌឫស្សីកែវ រាជធានីភ្នំពេញ មុខរបរ កម្មករ ។
២.ឈ្មោះ សោម វុទ្ធី ភេទប្រុស អាយុ១៩ឆ្នាំ ជនជាតិខ្មែរ មានទីលំនៅផ្ទះជួលភូមិឃ្លាំងសាំង សង្កាត់ឫស្សីកែវ ខណ្ឌឫស្សីកែវ រាជធានីភ្នំពេញ មុខរបរ កម្មករ។
ជនសង្ស័យទាំង២នាក់ខាងលើ បានប្រព្រឹត្តអំពើរក្សាទុកដោយខុសច្បាប់នូវសារធាតុញៀន។
សម្ភារដកហូតមាន ៖ ក្រាមពណ៌សថ្លាចំនួន១កញ្ចប់តូច, ម៉ូតូចំនួន០១គ្រឿងម៉ាក់ស្មាស់វីពណ៌ខ្មៅ ពាក់ស្លាកលេខ ខេមរភូមិន្ទ ០២.១.៦២៤៦ ។
ចំពោះមុខកំលាំងជំនាញខណ្ឌ កំពុងកសាងសំណុំរឿងបញ្ជូនទៅសាលាដំបូងរាជធានីភ្នំពេញដើម្បីអនុវត្តន៍តាមនីតិវិធី ៕
ប្រភព ៖អគ្គស្នងការដ្ឋាននគរបាលជាតិ-General Commissariat of National Police
អត្ថបទកែសម្រួលដោយ ៖ កាម៉ងដូ
