ចិនកំពុងក្ដៅស្លឹកត្រចៀកហើយ!!អាមេរិក ជះលុយ៦២០លានដុល្លារធ្វើទំនើបកម្មមីស៊ីល អោយតៃវ៉ាន់

ក្រសួងការបរទេសសហរដ្ឋអាមេរិក នាពេលថ្មីៗនេះ ទើបបានអនុម័តកញ្ចប់ ធ្វើទំនើបកម្ម៦២០លានដុល្លារសម្រាប់មីស៊ីលវា យប្រ ហារពីដី ទៅក្នុងអាកាស Patriot ឲ្យដល់កោះតៃវ៉ាន់ ហើយនេះគឺជាការទិញដ៏ថ្មីចុងក្រោយបំផុតពីសហរដ្ឋអាមេរិក ដើម្បីដោះស្រាយជាមួយការគ ម្រាមកំ ហែងកំពុងតែកើនឡើងពីប្រទេសចិន។

តាមសេចក្តីរាយការណ៍ ក្រសួងការបរទេសសហរដ្ឋអាមេរិក បាននិយាយនៅថ្ងៃព្រហស្បតិ៍ សប្ដាហ៍នេះថា កោះតៃវ៉ាន់ នាពេលថ្មីៗនេះ បានស្នើសុំទិញគ្រឿងបន្លាស់ដើម្បីធ្វើទំនើបកម្មមីស៊ីល Patriot របស់ខ្លួន ក្នុងគោលបំណងគាំទ្រជីវិតប្រតិបត្តិការរយៈពេល៣០ឆ្នាំហើយក្រុមហ៊ុន Lockheed Martin នឹងជាម្ចាស់កុងត្រាចម្បង និងមានតម្លៃចំណាយប៉ាន់ស្មានសរុបគឺ៦២០ដុល្លារ។

គួរបញ្ជាក់ថា សហរដ្ឋអាមេរិកក៏ដូចជាប្រទេសភាគីច្រើនដទៃទៀតដែរ គឺមិនមានចំណងការទូតផ្លូវការជាមួយកោះតៃវ៉ាន់នោះទេ ប៉ុន្តែត្រូវបានចងភ្ជាប់គ្នាដោយច្បាប់ផ្តល់ឲ្យកោះលទ្ធិប្រជាធិបតេយ្យមួយនេះ នូវមធ្យោបាយការពារខ្លួន ៕