គួរអោយស្ដាយធនធានណាស់!! ពេលនេះ វង្ស ណយ ប្រកាសលាឈប់ពីប្រដាល់ហើយ ព្រោះល្បីតែឈ្មោះ គ្មានសល់អីបន្តិចសោះ
អ្នកតាមដានវិស័យកីឡាប្រដាល់ ពិតជាស្គាល់ច្បាស់ជាក់ជាមិនខាន កីឡាករប្រដាល់ម្នាក់ដ៏ល្បី ឈ្មោះ គឺ វង្ស ណយ នោះ ។ ចំណែកម្សិលមិញនេះ នាថ្ងៃទី ១២ ខែកក្កដា ឆ្នាំ ២០២០ មហាជនជាច្រើន ផ្ទុះការចាប់អារម្មណ៍ និងភ្ញាក់ផ្អើលជាខ្លាំង ក្រោយទទួលបានដំណឹងថា កីឡាករប្រដាល់ដ៏ល្បីឈ្មោះ រូបនេះ បានប្រកាស លាឈប់ ពីកីឡាប្រដាល់ហើយ។
លោកបានបញ្ជាក់ពីមូលហេតុនៅក្នុងហ្វេសប៊ុករបស់ខ្លួនយ៉ាងខ្លី និងចាក់ដោតថា ៖ “(ខ្ញុំលាឈប់ពីប្រដាល់ហើយបងប្អូន) ខ្ញុំវាយយូរណាស់ហើយ ល្បីតែឈ្មោះ គ្មានសល់អីទេ ពេលនេះខ្ញុំអស់កម្លាំងវាយទៀតហើយ ទើបខ្ញុំសម្រេចចិត្ត ឈប់វាយនៅពេលនេះ ព្រោះខ្លាចពិកា ខានបានរកស៊ីចិញ្ចឹមកូន ។ បើខ្ញុំពិកាទៅ គ្មានអ្នកណាចិញ្ចឹមកូនខ្ញុំទេ (ជួយគាំទ្រងៀតក្របីខ្ញុំផងបងប្អូន)”។
ក្រោយឃើញបែបនេះ ធ្វើឲ្យអ្នកគាំទ្រជាច្រើន ចូល comment ថា ៖ ជូនពរពូសុខភាពល្អ និងរកសុីមានបាន, ស្ដាយធន់ធានណាស់ណយអើយ, សូមអោយរកសុីមានបាន នូវមុខរបរថ្មី បងប្រុស, ស្តាយណាស់ ព្រមទាំងនៅពាក្យសោកស្តាយ និងការជូនពរឲ្យ វង្ស ណយ ជោគជ័យចំពោះមុខរបរនេះជាច្រើនទៀត៕
