កីឡាប្រណាំងម៉ូតូទឹកមិនមានឈ្មោះក្នុងស៊ីហ្គេមនៅប្រទេសហ្វីលីពីននោះទេព្រោះមូលហេតុនេះ
ប្រភេទកីឡាប្រណាំងម៉ូតូទឹកនឹងគ្មានវត្តមានក្នុងព្រឹត្តិការណ៍ SEA Games 2019 នៅប្រទេសហ្វីលីពីននោះទេ បន្ទាប់ពីម្ចាស់ផ្ទះហ្វីលីពីន និងគណៈកម្មការរៀបចំស៊ីហ្គេមបានសម្រេចដាក់ប្រភេទកីឡា សម្រាប់ការប្រកួតរួចរាល់ហើយនោះ។
ប្រធានសហព័ន្ធកីឡាម៉ូតូទឹកកម្ពុជា ឯកឧត្តម ណុះ ស្លេះ បានបញ្ជាក់ថា ការប្រកួតកីឡាស៊ីហ្គេម លើកទី៣០ ឆ្នាំ២០១៩ ប្រទេសហ្វីលីពីនបានកំណត់ ប្រភេទវិញ្ញាកីឡារួចរាល់ហើយ ប៉ុន្តែមិនមានកីឡាម៉ូតូទឹកនោះទេ។ ទោះបីមានការអន្ដរាគមន៍ពីសហព័ន្ធកីឡាម៉ូតូទឹកអាស៊ី ក៏ដូចជាបណ្ដា ប្រទេសក្នុងតំបន់អាស៊ានមួយចំនួន រួមទាំងកម្ពុជាផង ដោយបានស្នើឱ្យហ្វីលីពីន បញ្ចូលប្រភេទកីឡាម៉ូតូទឹកនេះក្ដី ប៉ុន្ដែម្ចាស់ផ្ទះមិនបានឯកភាពនោះទេ ដោយសារកត្ដាមួយចំនួន ដែលប្រទេសហ្វីលីពីនខ្វះខាត ពិសេសគឺហេដ្ឋារចនាសម្ព័ន្ធតែម្ដង។
អត្ថបទ៖ គឹមស្រ៊ិន
