តារាភាពយន្តចិន Zhao Wei ហៅត្រចៀកកាំ ក្លាយជាសេដ្ឋីនីដោយរបៀបណា?

(សិល្បៈបរទេស)៖ តារាចិនដ៏ល្បីនាង Zhao Wei ដែលហ្វេនខ្មែរស្គាល់និងហៅ ត្រចៀកកាំ គឺជាសេដ្ឋីនីមានទ្រព្យសម្បត្តិខ្ទង់លានដុល្លារមួយរូប។ តារាស្រីវ័យ ៤៤ ឆ្នាំរូបនេះ មិនត្រឹមតែជាតារាសម្តែងចិនល្បីឈ្មោះប៉ុណ្ណោះទេ ប៉ុន្តែក៏ជាអ្នកដឹកនាំរឿង ផលិតករតន្ត្រី តារាចម្រៀង និងជាអ្នកជំនួញជោគជ័យផងដែរ។

តើមានរឿងសម្ងាត់អ្វីដែលអាចជំរុញឲ្យ Zhao Wei ក្លាយជាសេដ្ឋីនី មានទ្រព្យវាល់លានដុល្លារបាន?
អ្នកស្រី Zhao Wei ជាតារាជួរមុខដ៏ធំបំផុតមួយរបស់ប្រទេសចិន ដូច្នេះចំណូលរាប់លានរបស់នាងគឺបានមកពីការសម្ដែង។ ក្រៅពីជាតួសម្ដែងធំៗ អ្នកស្រីក៏ត្រូវប៉ាន់ផ្សព្វផ្សាយម៉ាកផលិតផលល្បីៗ រហូតដល់ទៅជាង ១២០ មុខឯណោះ។ អ្នកស្រី Zhao Wei ជាមនុស្សមានគំនិតក្នុងការរកស៊ី បែបនេះហើយ នាងបានយកចំណូលដែលបានមកពីការការងារសិល្បៈទៅធ្វើការវិនិយោគលើវិស័យផ្សេងៗជាច្រើនប្រភេទរួមមាន អចលនទ្រព្យ គ្រឿងអលង្កា និងម៉ាកស្រាល្បីៗ។ ការបណ្ដាក់ទុននេះ ធ្វើឲ្យ តួព្រះនាងត្រចៀកកាំ ទទួលជោគជ័យកើនទ្រព្យជាបន្តបន្ទាប់។ កាលពីខែធ្នូ ឆ្នាំ ២០១៤ អ្នកស្រី Zhao Wei បានយកប្រាក់ចំនួន ៤០០ លានដុល្លារធ្វើវិនិយោគជាមួយក្រុមហ៊ុនផលិតភាពយន្ត Alibaba Pictures Group ដោយទទួលបានភាគហ៊ុនសរុប ៩.១៨%។ ៦ ខែក្រោយនៅពេលក្រុមហ៊ុនមួយបានចុះបញ្ជីក្នុងផ្សារហ៊ុនហុងកុង ផលិតកម្ម Alibaba Pictures Group កើនមូលធនរហូតដល់ទៅ ៩.៦ ពាន់លានដុល្លារ។ ក្នុងនោះតារាស្រីជើងចាស់រូបនេះ បានទទួលពីការវិនិយោគដល់ទៅ ៧៦២ លានដុល្លារ។ កាលណោះប្រាក់ចំណេញនិងកេរ្តិ៍ឈ្មោះរបស់អ្នកស្រី ធ្វើឲ្យនាងក្លាយជាមហាសេដ្ឋីនីត្រឹម ៣០ ក្រាស់ប៉ុណ្ណោះ។ យ៉ាងណាមិញ បច្ចុប្បន្ន Zhao Wei មានទ្រព្យសម្បត្តិសរុបប្រមាណ ១៥ លានដុល្លារ៕