កម្លាំងអធិការដ្ឋានខណ្ឌជ្រោយចង្វារ ចាប់ឃាត់ខ្លួនជនសង្ស័យ០៤នាក់ ពាក់ព័ន្ធនឹងករណីជួញដូរនិងប្រើប្រាស់គ្រឿងញៀន
ភ្នំពេញ ៖ កម្លាំងអធិការដ្ឋានខណ្ឌជ្រោយចង្វារឃាត់ខ្លួនជនសង្ស័យ៤នាក់ ជួញដូរនិងប្រើប្រាស់គ្រឿងញៀន កាលពីថ្ងៃទី១៨ ខែមេសា ឆ្នាំ២០១៩ វេលាម៉ោង២០និង៣៥នាទី នៅចំណុចឡឥដ្ឋចិនសំណាង ភូមិក្តីចាស់ សង្កាត់បាក់ខែង ។ជនសង្ស័យដែលសមត្ថកិច្ចឃាត់ខ្លួនរួមមាន ៖
ទី១.ឈ្មោះ សាង វាសានា ភេទប្រុស អាយុ៤០ឆ្នាំ ជនជាតិខ្មែរ មុខរបរ បើកឡានឡឥដ្ឋ រស់នៅភូមិបឹងឈូក សង្កាត់គីឡូម៉ែត្រលេខ៦ ខណ្ឌប្ញស្សីកែវ (ជួញដូរ) ។
ទី២.ឈ្មោះ សំ លៀង ភេទប្រុស អាយុ៣៤ឆ្នាំ ជនជាតិខ្មែរ មុខរបរ កម្មករធ្វើឥដ្ឋ រស់នៅភូមិឡឥដ្ឋ ឃុំរកាកោង ស្រុកមុខកំពូល ខេត្តកណ្តាល (ជួញដូរ) ។
ទី៣.ឈ្មោះ ឈិន អូម៉ែល ភេទប្រុស អាយុ១៧ឆ្នាំ ជនជាតិខ្មែរ មុខរបរ បើកឡាន រស់នៅភូមិត្រាំខ្នារ ឃុំត្រាំខ្នារ ស្រុកត្រាំកក់ ខេត្តតាកែវ (ប្រើប្រាស់) ។
ទី៤.ឈ្មោះ តេន ផល្លា ភេទស្រី អាយុ១៧ឆ្នាំ ជនជាតិខ្មែរ មុខរបរបើកឡាន រស់នៅភូមិអូរតាភុល ឃុំដំណាក់ក្រទួត ស្រុកកំពង់ត្រាច ខេត្តកំពត (ប្រើប្រាស់) ។
ដកហូតសម្ភារៈដូចជា ៖ ក្រាមសថ្លា សង្ស័យជាគ្រឿងញៀនចំនួន១២កញ្ចប់ថង់តូច , ឧបករណ៍សម្រាប់ប្រើប្រាស់ថ្នាំញៀនមួយចំនួន និងថង់សម្រាប់ច្រកថ្នាំញៀនមួយចំនួន ៕
(ប្រភពព័ត៌មានយោងទៅតាមផេករបស់អគ្គស្នងការនគរបាលជាតិ)
អត្ថបទដកស្រង់ដោយ៖ សីហា
