Milner បារម្ភមិនសង្ឃឹម Spurs ទប់ Man City ជាប់នៅ Premier League
James Milner ជឿជាក់ថា Manchester City នឹងលេងដូចវគ្គផ្ដាច់ព្រ័ត្រពេលប៉ះ Tottenham Hotspur នៅ Premier League ថ្ងៃសៅរ៍ស្អែកនេះ។
ការគិតដូច្នេះរបស់ខ្សែបម្រើសញ្ជាតិអង់គ្លេសដោយសារ Tottenham ទើបតែទម្លាក់ City យ៉ាងឈឺចាប់ចេញពី UEFA Champions League ត្រឹមវគ្គ៨ក្រុមចុងក្រោយដោយគ្រាប់បាល់ទាំងពីរជើង៤-៤ តែ Tottenham ត្រូវឡើងដោយសារបាល់ចំណេញក្រៅដី៣គ្រាប់។
នេះគឺជាការប៉ះគ្នាលើកទី៣ហើយរបស់ក្រុមទាំងពីរដោយលើកទីមួយ Spurs បានយកឈ្នះ ១-០ នៅ Champions League និងលើកទី២នៅពានដដែលពួកគេចាញ់ ៣-៤ ប៉ុន្តែបានឡើងទីវគ្គពាក់កណ្ដាលផ្ដាច់ព្រ័ត្រ។ បើសិនចាញ់ Spurs នៅ Premier League ក្រុម Man City អាចនឹងអស់ពានព្រោះ Liverpool កំពុងប្រដេញពិន្ទុកៀកមែនទែន។
“ពួកគេគឺជាក្រុមការពារតំណែងជើងឯក ខ្ញុំប្រាកដក្នុងចិត្តថា City នឹងលេងដូចវគ្គផ្ដាច់ព្រ័ត្រនៅចុងសប្ដាហ៍នេះ។ ជាការពិត ពួកគេបានខកចិត្តម្ដងរួចទៅហើយ ដូច្នេះកីឡាករទាំងអស់នឹងប្រឹងប្រែងខ្លាំងបំផុតសម្រាប់ប្រកួតដែលនៅសល់។ យ៉ាងណា Spurs ក៏នឹងប្រឹងប្រែងដែរដើម្បីកៅអី Top 4។ ពួកយើងនឹងចាំមើលទាំងអស់គ្នា”។ Milner និយាយ៕
អត្ថបទ៖ គឹមស្រ៊ិន
