ហេង ចន្ថា ភ្ជាប់ពាក្យបញ្ចប់ព័ត៌មានអាស្រូវស្នេហាលួចលាក់ជាមួយ នាយ ពែកមី

(កំសាន្ត)៖ កន្លងមកអតីត Miss Grand Cambodia និងជាតារាសម្ដែង ហេង ចន្ថា ធ្លាប់រងព័ត៌មានអាស្រូវវាយប្រហារថានាង មានទំនាក់ទំនងស្នេហាលួចលាក់ជាមួយតារាកំប្លែងនាយ ពែកមី ដោយគេឧស្សាហ៍ឃើញអ្នកទាំងពីរទៅណាមកណាជាមួយគ្នាជាញឹកញាប់។ដើម្បីបញ្ចប់ព័ត៌មានអាស្រូវស្នេហាលួចលាក់ជាមួយនាយ ពែកមី កាលពីថ្ងៃទី១៧ ខែឧសភា ឆ្នាំ២០២០ កន្លងទៅនេះ ស្រាប់តែបែកធ្លាយព័ត៌មានកញ្ញា ហេង ចន្ថា ភ្ជាប់ពាក្យជាមួយបុរសម្នាក់យ៉ាងស្ងៀមស្ងាត់បំផុត។

ក្រោយពីទទួលបានដំណឹងភ្ជាប់ពាក្យ ហេង ចន្ថា រួចមកមានហ្វេនៗរបស់នាង ជាច្រើននាក់បង្ហាញការភ្ញាក់ផ្អើលខ្លាំងដោយពួកគេមិននឹកស្មានថាស្រីស្អាតរូបនេះសម្រេចចិត្តភ្ជាប់ពាក្យលឿនដល់ថ្នាក់នេះសោះ។ បន្ថែមពីនេះពួកគេក៏បានចូលរួមត្រេកអរ និងជូនពរ ហេង ចន្ថា និងគូដណ្ដឹងផងដែរ។ជុំវិញរឿងរ៉ាវភ្ជាប់ពាក្យខាងលើនេះ ហេង ចន្ថា មិនអាចទាក់ទងសុំការបកស្រាយលំអិតបានទេ ថាក្រោយភ្ជាប់ពាក្យរួចនាង នឹងចូលរោងការនៅថ្ងៃណានោះ៕