De Jong ថាចង់ឈ្នះ Juventus ដោយមាន Ronaldo បានលេង ទើបល្អ
ថ្ងៃទី១០ ខែមេសា ឆ្នាំ២០១៩ ម៉ោង 11:53AM
ក្រុម Ajax នឹងស្វាគមន៍ក្រុមភ្ញៀវ Juventus នៅម៉ោង២រំលងអាធ្រាត្រនេះហើយ ក្នុងការប្រកួតពានរង្វាន់ UEFA Champions League វគ្គ៨ក្រុមចុងក្រោយ ជើងទី១។
ការប្រកួតនេះដែរ ក្រុម Ajax បានត្រៀមខ្លួនរួចជាស្រេច ត្បិតអីពួកគេមានកីឡាករពេញជើងស្រាប់ ហើយលេងក្នុងដីខ្លួនឯងទៀត។ ដោយឡែកសម្រាប់ក្រុម Juventus វិញ ពួកគេកំពុងជួបបញ្ហា ខ្សែប្រយុទ្ធសំខាន់ Cristiano Ronaldo របួស មិនទាន់ច្បាស់ថាបានលេងឬអត់ទេនៅរាត្រីនេះ។
ចំពោះការអវត្តមានកីឡាករកំពូលលើលោកនេះដែរ De Jong ខ្សែបម្រើរបស់ Ajax ដែលនឹងផ្លាស់ទៅលេងនៅ Barcelona រដូវកាលក្រោយ បាននិយាយថារូបគេចង់ឱ្យ Ronaldo បានលេងនៅរាត្រីនេះ។ ភាគរយឈ្នះ Juventus នឹងមានច្រើន ពេលអត់មានអតីតកីឡាករ Real Madrid ប៉ុន្តែខ្លួនគេចង់ជួបតតាំងជាមួយ Ronaldo ខ្លាំងណាស់។ ការឈ្នះ Juventus ដោយមានប្រធានក្រុមជម្រើសជាតិព័រទុយហ្គាល់ គឺជារឿងអស្ចារ្យបំផុត៕
អត្ថបទ៖ ពេជ្ រគឹមស្រ៊ិន
