Pique ប្រាប់ Barca ថា ត្រូវសម្លាប់ក្លឹបចាស់ Man Utd ដោយគ្មានមេត្តាធម៌
ថ្ងៃទី ១០ ខែមេសា ឆ្នាំ២០១៩ ម៉ោង 11:26AM
ខ្សែការពារ Gerard Pique បានប្រាប់ Barcelona ត្រូវសម្លាប់ Manchester United ឲ្យបានប្រសិនមានឱកាសព្រោះ បន្ទាប់ពីឃើញក្លឹបចាស់របស់បង្ហាញទម្រង់លេងល្អវាយបកយកឈ្នះ Paris Saint-Germain។
Pique បានរៀនសូត្រច្រើនក្នុងរយៈពេល៤ឆ្នាំនៅ United និងមើលឃើញក្លឹបមានមូលដ្ឋានក្នុងទីក្រុង Manchester មួយនេះឡើងជើងខ្លាំងក្រោមការដឹកនាំរបស់លោក Ole Gunnar Solskjaer។ ខ្សែការពារសញ្ជាតិអេស្ប៉ាញ ដែលត្រៀមបង្ហាញខ្លូននៅ Old Trafford ជាលើកដំបូងចាប់តាំងចាកចេញនៅឆ្នាំ២០០៨ ជឿជាក់ Lionel Messi និងមិត្តរួមក្រុមផ្សេងទៀតត្រូវតែគ្មានមេត្តាចំណោះ Man Utd។
“ពួកយើងមិនអាចទុកឲ្យ Manchester United មានជីវិតឡើយ។ ប្រសិនជាអាចយកឈ្នះពួកគេរកគ្រាប់បាន យើងគួរតែធ្វើវា ព្រោះពួកគេមានក្រុមកីឡាករដ៏ល្អមួយ និងប្រវត្តិសាស្ត្រល្អ។ ខ្ញុំគិតថា PSG ជាគំរូល្អស្រាប់។ ពួកគេបានបង្ហាញនៅជើងទីពីរនៅទីក្រុងប៉ារីស ទោះបីលេងជាមួយកីឡាករវ័យក្មេងច្រើនចេញពីឈុតយុវជន ពួកគេបានឡើងនៅនាទីចុងក្រោយ”៕
