អុញ!!តួប្រុសក្នុងរឿង «Fast & Furious» ក៏បានឆ្លង COVID-19 ដែរ

ចេញផ្សាយ ថ្ងៃទី17 ខែមីនា ឆ្នាំ2020

បរទេស៖ កាលពីពេលថ្មីៗនេះ តួប្រុស Idris Elba ដែលធ្លាប់បានបង្ហាញខ្លួន ក្នុងខ្សែភាពយន្តហូលីវូដដ៏ល្បី «Fast&Furious» បានប្រកាសតាមរយៈ គណនីTwitter របស់ខ្លួនថារូបគេ បានធ្វើតេស្តវិជ្ជមាន លើវីរុសCOVID-19។

ជាមួយគ្នានេះដែរ Idris ក៏បានបញ្ជាក់ផងដែរថា ភរិយារបស់លោក អ្នកស្រី Sabrina នៅមិនទាន់ បានទៅពិនិត្យសុខភាពនៅឡើយនោះទេ ក៏ប៉ុន្តែ រហូតមកដល់ពេលនេះ អ្នកស្រីSabrina គឺនៅមានសុខភាពល្អ ហើយក៏មិនមាន ការបង្ហាញចេញ រោគសញ្ញា អ្វីគួរឲ្យកក់សម្គាល់នៅឡើយនោះដែរ។

យ៉ាងណាមិញ បន្ទាប់ពី បានពិនិត្យឃើញថា មានឆ្លង COVID-19 ហើយ តារាប្រុសវ័យ47 ឆ្នាំរូបនេះ ក៏ត្រូវបានគេ ដាក់ឲ្យនៅ ដាច់ដោយឡែកដើម្បីធ្វើការពិនិត្យ និងព្យាបាលបន្ថែមទៀត។

គួររំលឹកផងដែរថា កាលពីថ្ងៃអង្គារ ទី៣ ខែមីនា កន្លងទៅនេះ Idris ធ្លាប់បានទៅចូលរូម ក្នុងកម្មវិធីសប្បុរសធម៌ WE Day UK ព្រមទាំងបានទៅចូលរួម ការប្រគំតន្ដ្រី នៅទីក្រុងLondon ជាមួយនឹង ភរិយា នាយករដ្ឋមន្ត្រីនៃ ប្រទេសកាណាដា អ្នកស្រី Sophie Trudeau ដែលអ្នកស្រី ក៏ទើបតែបាន ប្រកាសថា ឆ្លង Covid-19 កាលពីមួយសប្តាហ៍មុននេះ៕ប្រភព៖khmerload