វៀតណាមបានចុះផ្សាយថា ជនជាតិជប៉ុនមានផ្ទុកវីរុស កូវីដ-១៩ ម្នាក់ធ្វើដំណើរពីសៀមរាបទៅទីក្រុងហូជីមិញ
វៀតណាម៖ ព័ត៌មានពីក្រសួងសុខាភិបាល បានឱ្យដឹងថា ជើងហោះហើរលេខ VN814 របស់ក្រុមហ៊ុនអាកាសចរណ៍វៀតណាម ពីសៀមរាប(កម្ពុជា) ទៅទីក្រុងហូជីមិញ នៅថ្ងៃទី៣ ខែមីនា មានអ្នកដំណើរចំនួន៦៧នាក់ និងសមាជិកនាវិក៦នាក់ ។ ក្នុងចំណោមអ្នកដំណើរទាំងអស់ ជនជាតិជប៉ុនម្នាក់អង្គុយនៅលើកៅអីលេខ ៣៣D បន្ទាប់មកផ្ទេរតាមជើងហោះហើរ VN340 ទៅណាហ្គូយ៉ា ប្រទេសជប៉ុន អ្នកដំណើររូបនេះ ត្រូវបានគេបញ្ជាក់ថា វិជ្ជមានសម្រាប់វីរុសកូវីដ-១៩ នៅពេលមកដល់ប្រទេសជប៉ុន ។
ដូច្នេះហើយ ក្រសួងសុខាភិបាលវៀតណាម បាននិយាយថា ក្នុងអំឡុងពេលផ្លាស់ប្តូរជើងហោះហើរ (ពី VN814 ទៅ VN340) អ្នកដំណើរដែលបានរៀបរាប់ខាងលើ មិនបានទៅណាទេ នៅអាកាសយានដ្ឋាន តាន់សុនញ៉ា ។
ក្រុមអ្នកបើកយន្ដហោះក្នុងជើងហោះហើរ VN340 បន្ទាប់ពីនាំអ្នកដំណើរទៅប្រទេសជប៉ុន បានវិលត្រឡប់មកប្រទេសវៀតណាមវិញដោយដឹកភ្ញៀវសរុប ៧៣នាក់ និងសមាជិកនាវិក១២នាក់ តាមជើងហោះហើរ VN341 ដោយចុះចតនៅអាកាសយានដ្ឋាន តាន់សុនញ៉ា នៅម៉ោង១៣ និង៥៥ ថ្ងៃទី៤ មីនា នេះ ។
ដោយសារតែជើងហោះហើរ VN340 មានពលរដ្ឋជប៉ុន ដែលមានផ្ទុកវីរុស COVID-19 អ៊ីចឹងការហោះហើរមកវិញ VN341 ពីណាហ្គាយ៉ាទៅហូជីមីញ ត្រូវញែកភ្ញៀវទេសចរ ៥១នាក់ ទៅកាន់ប្រទេសវៀតណាម (រួមទាំងកុមារម្នាក់ផង) និងនាវិកទាំងមូល១២ នាក់ ។ លើសពីនេះទៀតមានបុគ្គលិកសន្តិសុខ៧នាក់ បុគ្គលិកនៅព្រលានយន្តហោះ ក៏ដាក់នៅដាច់ដោយឡែកពីគេដែរ ។
ចំនួនអ្នកដំណើរ និងបុគ្គលិកអាកាសចរណ៍ ត្រូវបានបញ្ជូនតាមរថយន្តរបស់អង្គភាពពេទ្យ នៅមន្ទីរពេទ្យ ក្នុងស្រុក Cu Chi និងស្រុក Nha Be ។ បើសិនមិនមានរោគសញ្ញា នៃវីរុសឆ្លង នឹងត្រូវនៅឆ្ងាយពីគេក្នុងរយៈពេល១៤ថ្ងៃដែរ ។
ទីភ្នាក់ងារទេសចរណ៍របស់ជប៉ុន និងប្រទេសជប៉ុន ក៏បានបញ្ជាក់ច្បាស់អំពីកាលវិភាគធ្វើដំណើរសម្រាប់អ្នកដំណើរជប៉ុន ។
ទាក់ទងនឹងព័ត៌មានដែលថា នេះជាអ្នកជំងឺទី១៧ របស់ប្រទេសវៀតណាម ក្រសួងសុខាភិបាលបានកំណត់ថា អ្នកជំងឺរូបនេះ គ្រាន់តែធ្វើដំណើរឆ្លងកាត់ប្រទេសវៀតណាមប៉ុណ្ណោះ និងមានទំនាក់ទំនងតិចតួច ។ ប៉ុន្តែក្នុងស្មារតីប្រុងប្រយ័ត្នវៀតណាម ត្រូវតែដាក់ការពិនិត្យជើងហោះហើរទាំងមូល រួមទាំងអ្នកដំណើរ បុគ្គលិក នាវិក និងបុគ្គលិកសេវាកម្មពាក់ព័ន្ធ ។
គិតត្រឹមព្រឹកថ្ងៃទី ៤ មីនា ប្រទេសជប៉ុនមានករណីឆ្លងវីរុស 319 នាក់ ៕
ប្រភព៖ vietnamnet.vn,vtv.vn,zing.vn,vnexpress.net
