សម្ដេចព្រលះលោក K01 និងលោក ហេង ឡុង ទាំងព្រលឹមរឿងLiveវីដេអូ និងបង្ហោះវីដេអូ បំពុលសង្គមរឿងវីរុសកូរ៉ូណា(វីដេអូ)
(ភ្នំពេញ)៖ សម្តេចតេជោ ហ៊ុន សែន អញ្ជើញថ្លែងសន្និសីទសារព័ត៌មានអំពីជំងឺរលាកផ្លូវដង្ហើមថ្មីកូរ៉ូណា (Coronavirus) នៅវិមានសន្តិភាព ព្រឹកថ្ងៃទី៣០ ខែមករា ឆ្នាំ២០២០ នេះ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា អញ្ជើញធ្វើសន្និសីទសារព័ត៌មាន ទៅកាន់ប្រជាពលរដ្ឋ អំពីជំងឺរលាកផ្លូវដង្ហើមថ្មី កូរ៉ូណា (Coronavirus)
ដែលកន្លងទៅថ្មីៗនេះមានព័ត៌មានជាច្រើនបានផ្សព្វផ្សាយមានទាំងព័ត៌មានពិត និងមិនពិត ដែលបានបង្កអោយមានការងឿងឆ្ងល់ និងការព្រួយបារម្ភ ជាពិសេសចំពោះបងប្អូនប្រជាពលរដ្ឋដែលពិបាកទទួលព័ត៌មាន។ ទន្ទឹមនឹងនោះ ក៏មានសំណូមពរ និងយោបល់ពីប្រជាពលរដ្ឋចំពោះក្រសួងជំនាញពាក់ព័ន្ធ និងរាជរដ្ឋាភិបាលកម្ពុជាអោយយកដំណោះស្រាយដូចនេះដូចនោះ
ដែលសម្តេចតេជោនាយករដ្ឋមន្ត្រីនៃព្រះរាជាណាចក្រកម្ពុជានឹងអញ្ជើញបំភ្លឺនិងបញ្ជាក់បង្ហាញអំពីដំណោះស្រាយនិងជំហររបស់រាជរដ្ឋាភិបាលអំពីវិធានការដោះស្រាយនិងទប់ស្កាត់អំពីជំងឺរលាកផ្លូវដង្ហើមកូរ៉ូណានៅក្នុងប្រទេសកម្ពុជា។
សូមបងប្អូនស្ងប់ចិត្តហើយរង់ចាំស្តាប់ប្រសាសន៍របស់សម្តេចតេជោនៅក្រោមនេះ។ តាមរយៈការLiveវីដេអូនេះ សម្ដេច ហ៊ុន សែន បានព្រលះ លោក K01 និង ហេង ឡុង ដែលបានធ្វេីការLive វីដេអូ និងផុសវីដេអូពាក់ព័ន្ធនឹងជំងឺកូរូណានេះផងដែរ។
សម្តេចតេជោ ក៏បានមានប្រសាសន៍ចំៗទៀតថា ដោយសារតែបច្ចុប្បន្ន មាន Facebook និងមានអ្នកបំពុលសង្គម ទើបធ្វើអោយប្រជាពលរដ្ឋមានការភ័យខ្លាច ដូចករណីម្សិលមិញនេះ K01 ក៏ត្រូវបានសម្តេចតេជោ ថាអោយចំៗថា K01 ធ្វើខ្លួនមិនសមជាអ្នកសារព័ត៌មានទាល់តែសោះ ហើយគ្មានវិជ្ជាជីវៈសូម្បីតែបន្តិច។ គួរបញ្ជាក់ផងដែរថា កាលពីម្សិលមិញនេះ អ្នកលេង Facebook ឈ្មោះ K01 បានធ្វើការ Live វិដេអូផ្ទាល់នៅមុខមន្ទីពេទ្យរូស្សី ដោយពាក់ម៉ាសផង ពាក់ស្រោមដៃពេទ្យផង និងពាក់អាវភ្លៀងផងដែរ ដែលមើលទៅហាក់ដូចជាស្ថិតនៅក្នុងស្ថានភាព គ្រោះថ្នាក់ណាស់នៃមេរោគឆ្លង ប៉ុន្តែមិនបានប៉ុន្មានផងលោកក៏បានលុបវិដេអូនោះចោលវិញ៕អត្ថបទ៖ គឹមស្រ៊ិន
ចង់ដឹងច្បាស់សូមទស្សនាវីដេអូខាងក្រោម៖
