ដំណឹងល្អ!!ខេត្តកំពង់ស្ពឺ នឹងមានគម្រោងបង្កើតរោងចក្រកាត់ដេរសម្លៀកបំពាក់ជាច្រើនទៀតនាពេលដ៏ខ្លីខាងមុខនេះ

(ភ្នំពេញ)៖ នេះជាដំណឹងដ៏គួរអោយរីករាយមួយសម្រាប់បងប្អូនដែលមានដីនៅខេត្តកំពង់ស្ពឺ ជាពិសេសក្នុងស្រុកគងពិសី ដែលពេលនេះក្រុមប្រឹក្សាអភិវឌ្ឍន៍កម្ពុជា (CDC) ទើបតែអនុម័តចេញ វិញ្ញាបនប័ត្រចុះបញ្ជីជាស្ថាពរ នូវគម្រោងវិនិយោគថ្មីចំនួន១ទៀត សរុបទុនវិនិយោគជិត១១លានដុល្លារអាមេរិក និងផ្តល់ការងារថ្មីជាច្រើនពាន់កន្លែង។

ដំណឹងផ្លូវការរបស់ CDC បានចុះផ្សាយនៅថ្ងៃទី២៤ ខែមករា ឆ្នាំ២០២០នេះថា តាមសំណើសុំវិនិយោគរបស់ក្រុមហ៊ុន គណៈកម្មាធិការវិនិយោគកម្ពុជា នៃក្រុមប្រឹក្សាអភិវឌ្ឍន៍កម្ពុជា បានសម្រេចចេញវិញ្ញាបនប័ត្រចុះបញ្ជីជាស្ថាពរ ជូនដល់ក្រុមហ៊ុន K.Y ODYSSEY GARMENT CO.,LTD. គម្រោងបង្កើតរោងចក្រកាត់ដេរសម្លៀកបំពាក់ ដែលមានទីតាំងវិនិយោគស្ថិតនៅភូមិត្រាវ ឃុំទឹកល្អក់ ស្រុកគងពិសី ខេត្តកំពង់ស្ពឺ មានទុនវិនិយោគប្រមាណ ១០.៧លានដុល្លារអាមេរិក និងអាចបង្កើតការងារបានចំនួន ១,៧៩៧កន្លែង៕