លោក ពេជ្រ ស្រស់៖ បែកធ្លាយព្រះរាជអាជ្ញាកែបទល្មើស ករណីយុវជនសាលារៀន AIS វាយសម្លាប់យុវជនរៀនជាមួយគ្នា

(ភ្នំពេញ)៖ លោក ពេជ្រ ស្រស់ ប្រធានគណបក្សយុវជនកម្ពុជា និងជាសមាជិកឧត្តមក្រុមប្រឹក្សាពិគ្រោះ និងផ្តល់យោបល់ បានសរសេរសារលើបណ្ដាញសង្គមហ្វេសប៊ុកនៅថ្ងៃទី២២ ខែមករា ឆ្នាំ២០២០ នេះថា “បែកធ្លាយ ព្រះរាជអាជ្ញា កែបទល្មើសករណីយុវជនសាលារៀន  AIS  វាយសម្លាប់យុវជនរៀនជាមួយគ្នាថ្មីៗ នេះ
ដោយថារបាយការណ៍សំយោគរបស់ប៉ូលីស ក៏ប៉ុន្តែនៅខាងព្រះរាជអាជ្ញាកាន់រឿងហ្នឹងបែរជាកែបទល្មើសដាក់ថាជាអំពើហឹង្សាដោយចេតនាទៅវិញ ដូច្នេះករណីហាក់បីដូចជាមិនស្រួលហើយនិងធំក្លិនមិនល្អថែមទៀតផង។ តើបងប្អូនយល់យ៉ាងណាដែរ……..? “។

សូមជម្រាបថា សិស្សសាលាអន្ដរទ្វីបអាមេរិកកាំង ២នាក់ បានវាយតប់គ្នាបណ្ដាលឲ្យភាគីម្ខាងស្លាប់ ពេលបញ្ជូនទៅមន្ទីរពេទ្យ។ ហេតុការណ៍នេះបានកើតឡើង នៅល្ងាចថ្ងៃទី១៨ ខែមករា ឆ្នាំ២០២០ នៅចំណុចផ្លូវ៤៣០ ភូមិ២ សង្កាត់ទំនប់ទឹក ខណ្ឌបឹងកេងកង រាជធានីភ្នំពេញ។