កីឡាការិនីខ្មែរ-អាមេរិក Casandre ឈ្នះមេដាយមាសនៅ Puerto Rico Open
ថ្ងៃទី០៦ ខែមេសា ឆ្នាំ២០១៩ ម៉ោង 12:37PM
កីឡាការិនីខ្មែរ-អាមេរិក Casandre Tubbs ឈ្នះមេដាយមាស១គ្រឿងពីការប្រកួតជើងឯកតេក្វាន់ដូ Puerto Rico Open ដែលរៀបចំការប្រកួតពីថ្ងៃទី៥-៧ ខែមេសា ឆ្នាំ២០១៩ នៅទីលាន Coliseito Pedrin Zorrilla នៅខាងមុខមជ្ឈមណ្ឌលផ្សារទំនើប Plaza Las Americas ក្នុងទីក្រុង San Juan ប្រទេសព័រតូរីកូ។ នេះបើតាមការឲ្យដឹងពីលោក Greg Tubbs ដែលជាឪពុកបង្កើតរបស់កីឡាការិនី Casandre Tubbs និងជាគ្រូបង្វឹកផ្ទាល់។
កីឡាការិនី Casandre Tubbs ដែលជាកូនខ្មែរ-អាមេរិកជាកីឡាការិនីជម្រើសតេក្វាន់ដូជម្រើសជាតិកម្ពុជាដែលបានចូលរួមប្រកួតក្នុងព្រឹត្តិការណ៍សំខាន់ៗជាច្រើនដូចជាកីឡាស៊ីហ្គេមជាដើម៕
