នាយឧត្តមសេនីយ៍ សៅ សុខា បានបង្កេីតគណៈកម្មការស៊េីបអង្កេតករណីប៉េអឹមខេត្តបន្ទាយមានជ័យ សង្ស័យធ្វេីទារុណកម្ម ធ្វេីអោយពលរដ្ឋម្នាក់ស្លាប់
បន្ទាយមានជ័យ៖នាយឧត្តមសេនីយ៍ សៅ សុខា មេបញ្ជាការកងរាជអាវុធហត្ថលេីផ្ទៃប្រទេស សម្រេចបង្កេីតគណៈកម្មការចំពោះកិច្ចករណីប៉េអឹមខេត្តបន្ទាយមានជ័យ សង្ស័យធ្វេីទារុណកម្ម ធ្វេីអោយពលរដ្ឋម្នាក់ស្លាប់។
សូមបញ្ជាក់ថា សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា បានបញ្ជាអោយមានការចាប់ខ្លួនអ្នកដែលធ្វេីទារុណកម្ម បណ្តាលអោយពលរដ្ឋម្នាក់ស្លាប់ នៅខេត្តបន្ទាយមានជ័យ ។
សម្តេចតេជោ ហ៊ុន សែន បញ្ជាបែបនេះ ក្នុងឱកាសជួបជុំអ្នកសារព័ត៌មានជិត៦ពាន់នាក់ នៅកោះពេជ្រ នាល្ងាចថ្ងៃទី១៤ ខែមករា នេះ ។
បុរសខ្លាំងនៅកម្ពុជា មានប្រសាសន៍ធ្ងន់ៗថា ក្នុងរឿងទំនាស់ដីធ្លី គឺ មិនអាចចាប់ខ្លួនប្រជាពលរដ្ឋបានទេ ។ ករណីនេះ គឺ សមត្ថកិច្ច ត្រូវចាប់ខ្លួនអោយខានតែបាន មិនអាចលេីកលែង បានទេ ចំពោះអ្នកធ្វេីទារុណកម្ម នេះ ។
អ្នកដែលស្លាប់នេះ មានឈ្មោះ ទុយ ស្រស់ អាយុ៣៤ឆ្នាំ មានទីលំនៅ ក្នុងភូមិជ្រៃ ឃុំ សឹង្ហ ស្រុកអូរជ្រៅ ខេត្តបន្ទាយមានជ័យ ត្រូវបានចាប់ខ្លួននៅក្នុងសកម្មភាពតវ៉ារឿងដីធ្លី នៅមុខសាលាខេត្តបន្ទាយមានជ័យ កាលពីថ្ងៃទី៣១ ខែធ្នូ ឆ្នាំ២០១៩ ថ្មីៗនេះ ។
ក្រុមគ្រួសារនៃសពអះអាងថា ការស្លាប់របស់ឈ្មោះ ទុយ ស្រស់ គឺ ព្រោះតែការធ្វើទារុណកម្មបែកថ្លើម របស់ប៉េអឹមខេត្តបន្ទាយមានជ័យ។
ទោះបីយ៉ាងណា បញ្ហានេះ រដ្ឋបាលខេត្តបន្ទាយមានជ័យ ក៏បានចេញសេចក្តីប្រកាសព័ត៌មាន បំភ្លឺ ផងដែរ ៕
