ពិតជាអស្ចារ្យមែន! កូនខ្មែរមួយរូបត្រូវបានសាលាបាល់ទាត់ Bacelona ហៅទៅធ្វើតេស្តសមត្ថភាព
ថ្ងៃទី០៥ ខែមេសា ឆ្នាំ ២០១៩ ម៉ោង 8:27PM
បើតាមការផ្សព្វផ្សាយលើផេក Boeungket Academy បញ្ជាក់ថា កូនប្រុសរបស់ប្រធានក្លឹបបាល់ទាត់បឹងកេត ឈ្មោះ Kasidej Vasunan ហៅ DOME បានចេញដំណើរទៅប្រទេសអេស្ប៉ាញតាមការកោះហៅរបស់សាលាបាល់ទាត់ក្លឹប Barcelona (FCBESCOLA) ដើម្បីសាកល្បងសមត្ថភាពចូលហ្វឹកហាត់នៅទីនោះ។
ប្រសិនបើកុមារា DOME ជាប់នូវការសាកល្បងសមត្ថភាពនាថ្ងៃទី៧ ខែមេសា ឆ្នាំ២០១៩ នៅប្រទេសអេស្ប៉ាញនោះមែន ធនធានកីឡាករកម្ពុជាវ័យក្មេងរូបនេះនឹងត្រូវហ្វឹកហាត់ចាប់ពីខែមិថុនា ២០១៩ នេះទៅហើយ។ នេះមិនមែនជាលើកទី១ទេដែលយុវជនខ្មែរកាត់ថៃរូបនេះធ្វើដំណើរទៅសាលាបាល់ទាត់របស់ក្លឹប Barcelona បន្ទាប់ពីធ្លាប់បានទៅ២ដងហើយកាលពីឆ្នាំ២០១៨៕
អត្ថបទ ៖ ពេជ្រ គឹមស្រ៊ិន
