(Hot New)៖ យន្តហោះអ៊ុយក្រែនដឹកមនុស្ស១៨០នាក់ ធ្លាក់ក្នុងរដ្ឋធានីតេហេរ៉ង់ នៃប្រទេសអ៊ីរ៉ង់!
យោងតាមការដកស្រង់ចេញផ្សាយដោយ ទីភ្នាក់ងារព័ត៌មាន Reuters នៅព្រឹកថ្ងៃពុធ ទី០៨ ខែមករា ឆ្នាំ២០២០ នេះបានរាយការណ៍នៅថ្ងៃពុធនេះថា យន្ដហោះ Boeing 737 មួយគ្រឿងដឹកអ្នកដំណើរសរុប ១៨០នាក់ បានធ្លាក់នៅឯអាកាសយានដ្ឋាន អ៊ីម៉ាម ខូមៃនី (Imam Khomeini) នៅក្នុងរដ្ឋធានីតេហេរ៉ង់ នៃប្រទេសអ៊ីរ៉ង់។
គេមិនទាន់ដឹងថា មានជនរងគ្រោះណាម្នាក់នោះទេ ខណៈបើតាមព័ត៌មានបឋម យន្ដហោះ Boeing 737 ខាងលើជាកម្មសិទ្ធិក្រុមហ៊ុនអាកាសចរណ៍អន្តរជាតិអ៊ុយក្រែន (Ukraine International Airlines) និងបានធ្លាក់ក្រោយហោះឡើងបានបន្តិចប៉ុណ្ណោះ ពីអកាសយានដ្ឋានអន្តរជាតិ Imam Khomeini ក្នុងរដ្ឋធានីតេហេរ៉ង់ ដោយសារបញ្ហាបចេ្ចកទេស៕
