លោក ពេជ្រ ស្រស់ ៖ បើអាចបង្កើតបង្កើតផ្សារបន្លែទំនើបគ្មានជាតិគីមី បានមែនវាជារឿងល្អខ្លាំងណាស់ដើម្បីថែរក្សាសុខភាពប្រជាជនខ្មែរ នឹងលើកកំពស់ជីវភាពកសិករ

ស្របពេលដែលតម្លៃកសិផលរបស់ប្រជាជនកម្ពុជាកំពុងតែគ្មានទីផ្សាសម្រាប់កសិករ ដែលប្រមូលផលបានជាពិសេសតម្លៃថោក នឹងបន្ទាប់ពីលឺថាមានគំរោងបង្កើតផ្សារបន្លែទំនើបគ្មានជាតិគីមី លោក ពេជ្រ ស្រស់ ថាបើអាចបង្កើតបានមែនវាជារឿងល្អខ្លាំងណាស់ដើម្បីថែរក្សាសុខភាពប្រជាជនខ្មែរ នឹងលើកកំពស់ជីវភាពកសិករ។

ប្រធានគណបក្សយុវជនកម្ពុជាឡើងក្នុងទំព័រហ្វេសបុករបស់លោកនៅរសៀលនេះ ថា ខ្ញុំទទួលបានព័ត៌មានថាឧកញ៉ាម្នាក់នឹងបង្កើត ផ្សារបន្លែទំនើប គ្មានជាតិគីមី បើសិនជាព័ត៌មាននេះ គឺជាការ ពិត ហើយអាចបង្កើតបានមែននោះវាជារឿងល្អខ្លាំងណាស់ដើម្បីថែរក្សាសុខភាពប្រជាជនខ្មែរជាពិ សេសគឺបង្កើតទីផ្សារកសិកម្មជួយដល់ប្រជាកសិករខ្មែររបស់យើងឲ្យមានមុខរបរនឹងបង្កើនជីវភាពរបស់ពួកគាត់ផង។

ជាមួយគ្នានេះដែរលោកពេជ្រ ស្រស់ ថា ផ្សារបន្លែទំនើបនេះអាចជួយដល់កសិករខ្មែរដោះនូវបំណុលធនាគារដែលពួកគាត់កំពុងវ័នករ ព្រមទាំងបានចូលរួមសង្រ្គោះនូវវិស័យកសិកម្មនៅកម្ពុជាបានមួយផ្នែកផងដែរ បើមានទីផ្សារកសិកម្មគឺកសិករខ្មែរមានសង្ឃឹមរស់សមរម្យ។អ្នកនយោបាយវ័យក្មេងរូបនេះបន្តថា ក្នុងន័យនេះដែរសូមក្រសួងកសិកម្ម និងក្រសួងពាក់ព័ន្ធជួយសម្រួលកិច្ចការមួយចំនួនដល់គម្រោ ងផ្សារបន្លែទំនើបនេះឲ្យដំណើរការរលូនផង ។លោកថា សម្រាប់ខ្ញុំគឺសុំគាំទ្រ ចំពោះគម្រោងផ្សារបន្លែទំនើប នេះ ដើម្បី ចូលរួមលើកស្ទួយជីវភាពប្រជាកសិករខ្មែរយើង។