ពុទ្ធោ ! ចេញពីថត Pre-Wedding ហើយក៏ឌុបគ្នាទៅស្រុកដើម្បីទៅបោះធៀបការស្រាប់តែដល់ពាក់កណ្តាលផ្លូវ….

(ព្រះសីហនុ)៖ នៅលើផ្លូវជាតិលេខ៤ខាងលិចរោងចក្រក្រោនចម្ងាយ២០០ម៉ែត្រ ស្ថិតក្នុងភូមិ១សង្កាត់១ក្រុងព្រះសីហនុ មានករណីគ្រោះថ្នាក់ចរាចរណ៍មួយបានកើតឡើងរវាងម៉ូតូនិងរថយន្តបណ្តាលបុរសម្នាក់ភាគីខាងម៉ូតូស្លាប់មួយរំពេច។ ហេតុការណ៍នេះបានកើឡើងកាលពីវេលាម៉ោងជាង៨ព្រឹកថ្ងៃទី២១ខែធ្នូឆ្នាំ២០១៩។
បុរសម្នាក់ បានស្លាប់ ភ្លាម ៗ មួយរំពេចនៅកន្លែង កើតហេតុខណៈ ស្ត្រី ម្នាក់ទៀតបាន រង របួស ធ្ងន់ ក្នុង ហេតុការណ៍គ្រោះថ្នាក់ចរាចរណ៍ម៉ូតូបើកបុកពីក្រោយរថយន្ត ដឹកដែកនៅលើផ្លូវជាតិលេខ ៤។

សមត្ថកិច្ច នគរបាលចរាចរណ៍បានឲ្យ ដឹងថាបើយោងតា ការនិយាយប្រាប់ ពី ប្រពលរដ្ឋ ដែលឃើញហេតុការណ៍ប្រាប់ថាជនរងគ្រោះ ជិះម៉ូតូ ម៉ាក Zoomber-x ពាក់ ស្លាកលេខកំពត 1Q-2569 បើកបរ ក្នុង ទិសពី លិចទៅកើតលុះមកដល់ចំណុចផ្លូវចំណោតម៉ូតូបាន បន្ថែម ល្បឿន លឿន ទំនងជា ចង់ វ៉ា ជែង រថយន្តតែ វ៉ា មិន ផុត ក៏ ជ្រុល ចង្កូត ទៅបុក ចូល ពីក្រោយរថយន្តកូរ៉េមួយគ្រឿងដឹកដែកគ្រឿងសំណង់ពាក់ស្លាក លេខព្រះសីហនុ 3A-7450 បណ្តាលឲ្យបុរសអ្នកបើកម៉ូតូស្លាប់ នៅនឹងកន្លែងនិង ស្ត្រីម្នាក់ រួម ដំណើរ ជាមួយ រង របួសធ្ងន់ ។ ក្រោយ កើតហេតុ ភ្លាមគេ ឃើញ តៃកុង រថយន្តបាន រត់ គេចខ្លួនបាត់ ។

នៅ កន្លែងកើតហេតុ គេបានឃើញ ម៉ូតូនៅកៀបជាប់ ឆ្កឹងពីក្រោម ទ្រុងរថយន្ត ដែលមានដែកលៀន ចេញមកក្រៅ ។សមត្ថកិច្ចបានឲ្យ ដឹងទៀតថាបើ យោងតាមអ្នកស្គាល់ជនរងគ្រោះ ប្រាប់ថាអ្នកទាំង២នេះជិតដល់ថ្ងៃរៀបការដោយទើបថតរូប Pre-wedding ហើយ ដោយមុនពេល កើតហេតុ នេះពួកគេ បាន ជិះ ម៉ូតូឌុបគ្នាទៅស្រុកកំណើតដើម្បី បោះធៀបរៀបចំមង្គលការ ប៉ុន្តែ ចៃដន្យ អាក្រក់ ក៏ មកជួប គ្រោះថ្នាក់ ចរាចរណ៍ បណ្តាលឲ្យខាងប្រុសស្លាប់ចំណែក ខាងស្រីរងរបួស ធ្ងន់ ។

ក្រោយ កើតហេតុរថយន្តនិងម៉ូតូ ជនរងគ្រោះសមត្ថកិច្ចបានយកមករក្សាទុកនៅការិយាល័យនគរបាល ចរាចរណ៍ ផ្លូវគោកដើម្បីដោះស្រាយទៅតាមផ្លូវច្បាប់ ៕