ចូលរួមសោកស្តាយផង លោក រស់វ៉ាន់ មន្រ្តីអភិរក្សសត្វព្រៃម្នាក់បានទទួលមរណៈភាពហើយ…

សូមចូលរួមសោកស្តាយ!លោក រស់ វ៉ាន់ មន្ត្រីអភិរក្សសត្វព្រៃម្នាក់ទទួលមរណភាព RIP លោក រស់ វ៉ាន់មន្ត្រីឧទ្យានុរក្សក្រសួងបរិស្ថាន ដែលបានបម្រើការនៅមន្ទីរបរិស្ថានខេត្តព្រះវិហារ និងជាមន្ត្រីសមភាគីរបស់អង្គការសមាគមអភិរក្សសត្វព្រៃទទួលបន្ទុកកិច្ចការស្រាវជ្រាវជីវៈចម្រុះបបានទទួលមរណភាពនៅវេលាម៉ោង១០:២០ព្រឹកថ្ងៃទី ២ ខែ មេសា ឆ្នាំ ២០១៩ ក្នុងជន្មាយុ ៥៣ឆ្នាំ ដោយរោគាពាធ។

WCSបញ្ជាក់ឲ្យដឹងកាលពីរសៀលថ្ងៃទី៣ខែមេសា។ជាមួយនឹងការជូនដំណឹងនេះ អង្គការសមាគមអភិរក្សសត្វព្រៃកម្ពុជាបានសម្តែងនូវសមានទុក្ខ ស្តាយស្រណោះ អាឡោះអាល័យ និងក្តីសង្វេគជាអនេកកប្បការ ចំពោះមរណភាពរបស់លោក រស់ វ៉ាន់ និងសូមចូលរួមរំលែកនូវទុក្ខដ៏ក្រៀមក្រំនេះជាមួយក្រុមគ្រួសារទាំងអស់នៃសពព្រមទាំងសូមឧទ្ទិសឲ្យវិញ្ញាណក្ខន្ធ លោក រស់ វ៉ាន់ បានទៅកាន់សុគតិភពកុំបីឃ្លៀងឃ្លាតឡើយ។អង្គការខាងលើបានរំលឹកថាលោករស់វ៉ាន់គឺជាមន្ត្រីឧទ្យានុរក្សក្រសួងបរិស្ថានដែលបានបម្រើការនៅមន្ទីរបរិស្ថានខេត្តព្រះវិហារនិងជា

មន្ត្រីសមភាគីរបស់អង្គការសមាគមអភិរក្សសត្វព្រៃទទួលបន្ទុកកិច្ចការស្រាវជ្រាវជីវៈចម្រុះអស់រយៈពេលជាង១២ឆ្នាំ។លោកបានលះបង់និងបម្រើការងារលើផ្នែកអភិរក្សសត្វព្រៃនៅកម្ពុជាអស់រយៈពេល២០ឆ្នាំហើយការលះបង់របស់លោករស់វ៉ាន់នឹងបន្តធ្វើជាគំរូឈានមុខមួយសម្រាប់មនុស្សគ្រប់គ្នាដែលមានឱកាសស្គាល់និងបំពេញការងារជាមួយលោក។អង្គការសមាគមអភិរក្សសត្វព្រៃចាត់ទុកមរណភាពលោករស់វ៉ាន់គឺជាការបាត់បង់ដ៏ធំធេងមួយនូវធនធានមនុស្សដែលមានជំនាញផ្នែកការងារអភិរក្ស

អត្ថបទ កែវ ច័ន្ទសុផាវរុណ