សម្តេតេជោ៖ ទីក្រុងភ្នំពេញ មានសំណង់អគារខ្ពស់ៗចាប់ពី ៧ជាន់ឡើងជាង ១ពាន់អគារ
(ភ្នំពេញ)៖ ថ្លែងនៅក្នុងពិធីប្រគល់សញ្ញាបត្រដល់និស្សិត នៃសាកលវិទ្យាល័យវិទ្យាសាស្រ្តសុខាភិបាលចំនួន ២,៥៨៨នាក់ នៅថ្ងៃទី១៦ ខែធ្នូ ឆ្នាំ២០១៩ នាមជ្ឈមណ្ឌលសន្និបាត និងពិព័រណ៍កោះពេជ្រ សម្តេចតេជោ ថា សំណង់អគារកំពស់ចាប់ពី ៧ជាន់ឡើង នៅក្នុងទីក្រុងភ្នំពេញ មានជាង ១០០០អគារ ដែលការកើនឡើងនៃចំនួន អគារខ្ពស់ៗច្រើនបែបនេះ ដោយសារកត្តាសន្តិភាពនៅក្នុងប្រទេស ដែលរាជរដ្ឋាភិបាលខិតខំប្រឹងថែរក្សារហូតមក។
សម្តេចតេជោ ថា ទើបតែរយៈពេល២១ឆ្នាំប៉ុណ្ណោះ ដែលកម្ពុជាទទួលបានសន្តិភាព និងឯកភាពជាតិទាំងស្រុង ហើយបានក្លាយជាប្រទេសក្រីក្រ មកជាប្រទេសមានចំណូលមធ្យមកម្រិតទាប។ បើគ្មានសន្តិភាព គ្មានឯកភាពជាតិនេះ មិនមានការអភិវឌ្ឍនោះឡើយ៕
