គេរឹងណាស់!! Ronaldoបញ្ជូនបាល់ឲ្យ Higuain ស៊ុតបញ្ចូលទីជួយ Juventus ឡើងទៅវគ្គ ១៦ក្រុម

អាល្លឺម៉ង់៖ ប្រកួតចុងក្រោយមុនបិទបញ្ចប់វគ្គសន្សំពិន្ទុក្នុងពូល D សេះបង្កង់ Juventus បានយកឈ្នះម្ចាស់ផ្ទះ Bayer Leverkusen ដោយលទ្ធផល ០ទល់នឹង២ ក្រោមក្រសែភ្នែកអ្នកគាំទ្រផ្ទាល់ចូលរួមទស្សនាជិត ៣ម៉ឺននាក់។

២គ្រាប់របស់ Juventus សុទ្ធតែធ្វើបានសម្រេចនៅក្នុងវគ្គទីពីរទាំងពីរ ដោយគ្រាប់ទីមួយរកបានដោយកំពូលខ្សែប្រយុទ្ធ Cristiano Ronaldo នៅនាទី៧៥ ខណៈគ្រាប់ទីពីររកបានដោយកីឡាករ Gonzalo Higuain។ គ្រាប់បាល់ទាំងពីរនេះកើតឡើងដោយការបញ្ជូនបាល់ពីម្ចាស់អាវលេខ១០ Paulo Dybala។

Juventus មិនដែលស្គាល់ពាក្យថាចាញ់សោះនៅវគ្គជម្រុះក្នុងពូល ដោយលេង៦ប្រកួត ឈ្នះ៥ និងស្មើ១ មាន១៦ពិន្ទុ ឈរនៅលេខ១ ខណៈក្រុមលេខ២ដែលនឹងចាប់ដៃ Juventus ឡើងទៅវគ្គ១៦ក្រុមជាមួយគ្នានោះគឺ Atletico Madrid មាន១០ពិន្ទុ លេង៦ប្រកួត ឈ្នះ៣ ស្មើ១ និងចាញ់២។ ចំណែកឯក្រុមដែលត្រូវហាលអាវត្រឹមវគ្គនេះក្នុងពូល D គឺ Bayer Leverkusen និង Lokomotic Moscow៕