Spider Man ប្រទេសថៃបានហោះមកជួបលោកខេមរៈ សិរីមន្តដល់ផ្ទះស្ងាត់ៗតែម្តង
(ភ្នំពេញ)៖ កាលពីពេលថ្មីៗនេះ តាមប្រភពគេហទំព័រហ្វេសប៊ុកផ្លូវការរបស់កំពូលតារាចំរៀងប្រចាំផលិតកម្មហង្សមាសគឺលោក ខេមរៈ សិរីមន្ត បានបង្ហោះរៀបរាប់ថា “ថ្ងៃនេះបងទិច ឈីរ៉ូ មកលេងដល់ផ្ទះពិតជាសប្បាយខ្លាំងណាស់ ពួកយើងនៅជាតារាចម្រៀងនៅប្រទេសពីរខុសគ្នាតែពួកយើងស្រលាញ់គ្នាដូចបងប្អូនចឹង”។
គួររំលឹកផងដែរថា លោកខេមរៈសិរីមន្តបានចាប់ដៃច្រៀងរួមគ្នាជាមួយកំពូលតារាចំរៀងថៃលោក ទិច ឈីរ៉ូតាមរយៈបទ “Sad Man” ធ្វើអោយមានសន្ទុះនៃការគាំទ្រខ្លាំងមែនទែនពីស្រទាប់មិត្តយុវវ័យ ថែមទាំងកុមារតូចៗ និងក្មេងជំទង់ផងដែរ ជាមួយនឹងស្តាយនៃការតុបតែងខ្លួនប្លែកៗជា Spider Man របស់កំពូលតារាចំរៀងទាំងពីរ៕
