ទីតាំងដាក់ LED ផ្សាយបន្តផ្ទាល់ទាំង១០រាជធានីខេត្តក្នុងការប្រកួតបាល់ទាត់ កម្ពុជា Vs វៀតណាមនៅយប់នេះ

(កីឡា)៖ ព្រឹត្តិការណ៍ដ៏រំភើបនៅល្ងាចថ្ងៃទី០៧ខែធ្នូ ឆ្នាំ២០១៩នេះ គឺការប្រកួតកីឡាស៊ីហ្គេមលើកទី៣០នៅប្រទេសហ្វីលីពីននឹងមានការប្រកួតវគ្គពាក់កណ្តាលផ្តាច់ព្រ័ត្រចំនួន២ប្រកួតដែលប្រកួតទី១ ក្រុមលេខ១ពូលAមីយ៉ាន់ម៉ាត្រូវជួបជាមួយនឹងក្រុមលេខ២ពូលB ឥណ្ឌូនេស៊ីនៅវេលាម៉ោង៣ រសៀលម៉ោងនៅកម្ពុជា។ ខណៈដែលមួយប្រកួតទៀតក្រុមលេខ១ពូលBវៀតណាមនិង ត្រូវជួបជាមួយនឹងក្រុមលេខ២ពូលAកម្ពុជានៅវេលាម៉ោង៧រសៀល ខណៈដែលការប្រកួតទាំង២ប្រកួតនេះធ្វើឡើងពហុកីឡដ្ឋាន
Rizal.Memorial.Stadium ក្នុងទីក្រុងម៉ានីលប្រទេសហ្វីលីពីនទាំង២ប្រកួត។

អ្វីដែលគួរឲ្យកាន់តែសប្បាយ ឲនិងភ្ញាក់ផ្អើលទៀតនោះគឺ រដ្ឋបាលរាជធានីភ្នំពេញ និងរដ្ឋបាលខេត្តចំនួន៩ផ្សេងទៀត ក៍បានសម្រេចដាក់ការចាក់ផ្សាយផ្ទាល់លើផ្ទាំងLCDនៅតាមមណ្ឌលមូលដ្ឋានរៀងៗខ្លួន សម្រាប់បម្រើដល់អ្នកគាំទ្រគ្រប់រូបអាចមកទស្សនាជុំគ្នាថែមទៀតផងដែរ។

ហើយខាងក្រោមនេះជាទីតាំងនៃការចាក់ផ្សាយបន្តផ្ទាល់ ក្នុងការប្រកួតនារាត្រីយប់នេះផងដែរ៖
១.ភ្នំពេញ៖ ក្នុងសួនច្បារវត្តបទុមវតី
២.ស្វាយរៀង៖ រង្វង់មូលវិមានឯករាជ្យ
៣.ព្រះវិហារ៖ ក្នុងមជ្ឈមណ្ឌលកីឡាដ្ឋានខេត្ត
៤.ក្រចេះ៖ មុខមហោស្រពខេត្ត
៥.តាកែវ៖ ទីធ្លារសួនច្បារមាត់បឹងតាកែវ
៦.កំពង់ឆ្នាំង៖ ក្នុងទីលានបាល់ទាត់បន្ទាយលង្វែក(ជាប់អារ៉ែងកាហ្វេ)
៧.កំពង់ស្ពឺ៖ នៅមុខសួនច្បារសម្ដេចព្រះសង្ឃរាជ ជួន ណាត
៨.ប៉ៃលិន៖ នៅក្បែវិមានឯករាជ្យ
៩.រតនៈគិរី៖ ក្នុងបរិវេនសាលាខេត្តផ្ទាល់
១០.ស្ទឹងត្រែង៖ ទីធ្លាការិយាល័យស្រុកថាឡាបរីវ៉ាត់។

ដូច្នេះហើយសូមបងប្អូនកុំភ្លេចរង់ចាំទស្សនាទាំងអស់គ្នានៅក្នុងរាត្រីយប់នេះ នៅវេលាម៉ោង៧ៈ០០នាទី(ម៉ោងនៅប្រទេសកម្ពុជា)៕