«កម្ពុជាជាទីស្នេហា» ជាចំណងជើងនៃបទចម្រៀងមួយបទដែលបកស្រាយដោយកំពូលតារាចម្រៀង ព្រាប សុវត្ថិ ដែលបង្ហាញអំពីទឹកចិត្តមោះមុតរបស់កងទ័ពកម្ពុជា (វីដេអូខាងក្នុង)

(ភ្នំពេញ)៖ ថ្មីៗនេះនៅលើបណ្ដាញសង្គមហ្វេសប៊ុក គេឃើញមានការបង្ហោះនូវកម្រងវីដេអូចម្រៀងមួយជាលក្ខណៈ MV ដែលជាសំនៀងរបស់កំពូលតារាចម្រៀង ព្រាប សុវត្ថិ បកស្រាយចម្រៀងដែល
មានចំណងជើងថា«កម្ពុជាជាទីស្នេហា» ដែលនៅក្នុងអត្ថន័យបទចម្រៀងនេះ បានច្រៀងរៀបរាប់អំពីទឹកចិត្តរបស់កងទ័ពក្នុងការចូលរួមកិច្ចការពារមាតុភូមិ ពិសេសបង្ហាញអំពីសកម្មភាពរបស់កងទ័ពកម្ពុជាដែលកំពុងឈរជើងដ៏រឹងមាំតាមបន្ទាត់ព្រំដែនផងដដែរ។

គួរកត់សម្គាល់ថា កំពូលតារាចំរៀង ព្រាប សុវត្ថិ ក្រៅពីជាកំពូលតារាចំរៀងដ៏ល្បីម្នាក់ប្រចាំនៅព្រះរាជាណាចក្រកម្ពុជា លោកក៏មានតួនាទីក្នុងជួរកងទ័ពផងដែរ ដែលកន្លងមកគេតែងតែឃើញវត្តមានលោកចូលរួមក្នុងកម្មវិធីកងទ័ព។

បន្ទាប់ពីបានទស្សនានូវវីដេអូចម្រៀងនេះហើយយើងនឹងបានដឹងអំពីសកម្មភាពក៏ដូចជាទឹកជារបស់កងទ័ពយើងដែលបានរួមចំណែកយ៉ាងសំខាន់ក្នុងកិច្ចការពារប្រទេស និងជាតិមាតុភូមិ៕