លោក ពេជ្រ ស្រស់ ស្នើដល់សម្តេច ទៀ បាញ់ អនុវត្តអភិក្រមទី៥ លើលោកផ្កាយ ២ ទុន ដៀត ដែលប្រព្រឹត្តបទល្មើសដដែលៗ
កោះកុង៖ ពាក់ពន្ធ័នឹងមន្ត្រីយោធាពាក់ផ្កាយពីរលួចបោះបង្គោល និងបូមខ្សាច់លុបឆ្នេរសមុទ្រ នៅក្រុងខេមរភូមិន្ទ ខេត្តកោះកុង ប្រធានគណបក្សយុវជនកម្ពុជា ស្នើដល់សម្តេច ទៀ បាញ់ អនុវត្តអភិក្រមទី៥ លើលោកផ្កាយ ២ ទុន ដៀត ដែលប្រព្រឹត្តបទល្មើសដដែលៗ។
តាមរយៈទំព័រហ្វេសប៊ុករបស់លោក ពេជ្រ ស្រស់ នៅព្រឹកនេះ ប្រធានបក្សរូបនេះបានអោយដឹងថា ខ្ញុំបាទ ពេជ្រ ស្រស់ សូមស្នើដល់ សម្តេច ទៀ បាញ់ សុំពិនិត្យមើលករណីលោកផ្កាយ ២ ទុន ដៀតនេះផង ដើម្បីពង្រឹងច្បាប់កម្ពុជានិងអនុវត្តអភិក្រមទី៥គឺវះកាត់។ ការស្នើនេះដើម្បីកម្ចាត់ពួកប្រើអំណាចហួសដែនកំណត់ ដែលជាហេតុធ្វើឲ្យអន្តរាយ ដល់ ទ្រព្យសម្បត្តិជាតិនិងសហគមន៍។
បើតាមលោកពេជ្រ ស្រស់ បានបញ្ចាក់ថា រូបភាព និងឯកសារភ្ជាប់មកនេះគឺលោកផ្កាយ ២ ទុន ដៀត បានប្រព្រឹត្តតាំងពីឆ្នាំ២០០៩រហូតមកដល់បច្ចុប្បន្ននេះ។ លើសពីនេះគឺខ្ញុំស្នើដល់ព្រះរាជអាជ្ញាកុំប៉ះលុយលោកផ្កាយ២ ទុន ដៀត ឲ្យសោះពីព្រោះអ្វីៗដែលពួកអស់លោកកំពុងធ្វើគឺខ្ញុំក៏កំពុងតែដឹងដែរ ហើយកុំយកលេសថាឲ្យរឿងស្ងប់សិនចាំ
យកគឺមិនអាចទេ ពីព្រោះរឿងនេះមិនស្ងប់ងាយៗឡើយ។
គួររំលឹកដែរថា កាលពីថ្ងៃទី១ ខែធ្នូ ឆ្នាំ២០១៩ លោកពេជ្រ ស្រស់ បានបង្ហាញព័ត៌មានថា «ស្របពេលអាជ្ញាធរខេត្តកោះកុងកំពុងរវល់ដោះស្រាយទំនាស់ដីធ្លីនៅតាមបណ្តាស្រុក បែរជាឈ្មួញដីឈ្មោះ ទុន ដៀត ដែលគេស្គាល់ថាជាមន្ត្រីយោធាពាក់ផ្កាយពីរ បានសម្ងំលួចបោះបង្គោល និងបូមខ្សាច់លុបឆ្នេរយ៉ាងរំភើយ»៕
