ស្វែង សុជាតា មានកូនកំលោះហើយ និងកំពុងចាប់ផ្តើមដើរតាមគន្លងម្តាយដែរហើយ

(កម្សាន្ត)៖ អ្នកនាង ស្វែង សុជាតា ជាតារាសម្តែង
ដែលបានចូលប្រឡូកក្នុងវិស័យភាពយន្តអស់រយៈពេលជិត២០ឆ្នាំមកហើយ។ ថ្មីៗនេះ គេឃើញតារាសម្តែងស្រីជើងចាស់រូបនេះ បានបង្ហោះរូបកូនប្រុសដ៏ស្រស់សង្ហា និងបាននាំអោយថតខ្សែភាពយន្តទៀតផង។ ហើយអ្នកនាងក៏បានបណ្តុះកូនប្រុសច្បងរបស់ខ្លួន មួយនេះអោយដើរលើវិថីសិល្បៈក្នុងវិស័យភាពយន្តដូចជាអ្នកស្រីផងដែរ។

កន្លងទៅមហាជនគ្រប់គ្នា នឹកស្មានថាតារាសម្តែងស្រីពោរពេញទៅដោយទេពកោសល្យរូបនេះ មានបំណងចង់ឲ្យកូនប្រុសដើរផ្លូវផ្សេង ដោយមិនប្រឡូកក្នុងអាជីពដូចជាខ្លួន ពីព្រោះថាកន្លងមក គេមិនធ្លាប់ឃើញអ្នកនាង ស្វែង សុជាតា បង្ហាញកូនប្រុសនៅលើកញ្ចក់ទូរទស្សន៍ ឬក៏នាំគេចូលរូមកម្មវិធីតាមប៉ុស្តិ៍ជាមួយគ្នាឡើយ។ ប៉ុន្តែទោះជាយ៉ាងណា ស្រាប់តែថ្មីៗនេះ អ្នកនាង ស្វែង សុជាតា ក៏បានធ្វើការបង្ហោះរូបថតក្រៅឆាកជាច្រើនសន្លឹក និងបាននិយាយរៀបរាប់ថា៖«នាំកូនកម្លោះ មកថតរឿងអោយអ្នកមីង ពាន់ ភួងបុប្ផា ម៉ែនិងកូនថតធ្វើតួម៉ែកូន គ្រាដំបូងរបស់គេថតប៉ះអ្នកដឹកជើងខ្លាំងតែម្តងទៅ ជូនពរកូនសម្លាញ់ជោគជ័យកូន។»

កូនរបស់គាត់នេះ គឺតាំងពីតូចរហូតដល់ធំពេញវ័យ នេះគឺជាលើកទី១ហើយ ដែលអ្នកនាង ស្វែង សុជាតា បានបើកឱកាសឲ្យកូនប្រុសសំណព្វចូលមកសម្តែងខ្សែភាពយន្ត និងជាពិសេសនោះថែមទាំងបានដើរតួសម្តែងជាម្តាយកូននឹងគ្នា ទាំងនៅក្នុងសាច់រឿងក៏ដូចជាក្រៅឆាកថែមទៀត៕