រថយន្តក្រុងដឹកអ្នកដំណើរ បុកផ្តាច់ជីវិតយុវតីម្នាក់ និង២នាក់ទៀតរបួសធ្ងន់

ប្រភពព័ត៌មានបានឲ្យដឹងថា មុនពេលកើតហេតុ មានរថយន្តក្រុងមួយគ្រឿង ពណ៌ស ពាក់ស្លាកលេខ ភ្នំពេញ 3A-9584 បើកបរដោយជនមិនស្គាល់អត្តសញ្ញាណ រត់គេចខ្លួន ទិសដៅពីត្បូងទៅជើង មកដល់ចំណុចខាងលើបានបុកនិងម៉ូតូម៉ាក ហុងដា សេ១២៥ សេរី២០១៤ ពាក់ស្លាកលេខ សៀមរាប 1P-8274 ហើយទៅប៉ះម៉ូតូមួយគ្រឿងទៀត កំពុងឆ្លងផ្លូវ ក្វែងទិសគ្នា បណ្ដាលឲ្យស្លាប់ម្នាក់ និង២នាក់ទៀតរបួសធ្ងន់។

ជនរងគ្រោះទាំង៣នាក់ខាងលើនេះមាន៖ ១-ឈ្មោះ អឿន សុភា ភេទស្រី អាយុ ១៧ ឆ្នាំ(របួសធ្ងន់)។ ២-ឈ្មោះ ខន ស្រីលាក់ ភេទស្រី អាយុ ១៧ ឆ្នាំ រស់នៅភូមិជាមួយគ្នា(ស្លាប់)។ ៣-ឈ្មោះ ឡម លីដា ភេទ ស្រីអាយុ ១៧ ឆ្នាំ (របួសធ្ងន់)។ អ្នកទាំង៣រស់នៅភូមិក្រវ៉ាន់ សង្កាត់នគរធំ ក្រុងសៀបរាម។

ក្រោយកើតហេតុ អ្នករងរបួសត្រូវបានបញ្ជូនទៅមន្ទីរពេទ្យ ចំណែកវត្ថុតាងត្រូវបានសមត្ថកិច្ចជំនាញបានចុះវាស់វែងយកទៅរក្សាទុកនៅអធិការដ្ឋាននគរបាលដើម្បីដោះស្រាយគ្នាតាមច្បាប់ ហើយបានប្រគល់សពឲ្យគ្រួសារយកទៅធ្វើបុណ្យតាមប្រពៃណី៕