ឃាត់ខ្លួនជនសង្ស័យ២នាក់ ករណីជួញដូរដោយខុសច្បាប់នូវសារធាតុញៀន
ខេត្តកំពង់ធំ៖ នគរបាលការិយាល័យប្រឆាំងគ្រឿងញៀន សហការណ៍ជាមួយកម្លាំងអធិការដ្ឋាននគរបាលស្រុកសណ្ដាន់ ចុះបង្ក្រាបមុខសញ្ញា ជួញដូរដោយខុសច្បាប់នូវសារធាតុញៀន នៅចំណុច ភូមិលែង ឃុំទំរីង ស្រុកសណ្តាន់ ខេត្តកំពង់ធំ ។
មន្ត្រីនគរបាលស្រុកសណ្តាន់បានឲ្យដឹងថា៖ ជនសង្ស័យមានគ្នា០២នាក់ ១/ ឈ្មោះ ធឿន ចន្ថា ភេទ ប្រុស អាយុ ២៨ ឆ្នាំ មុខរបរ មិនពិតប្រាកដ ។ ២/ ឈ្មោះ រឹម ដក់ ភេទ ប្រុស អាយុ ៣៣ ឆ្នាំ មុខរបរ មិនពិតប្រាកដ ។ ជនសង្ស័យទាំង ០២នាក់ រស់នៅ ភូមិលែង ឃុំទំរីង ស្រុកសណ្តាន់ ខេត្តកំពង់ធំ ។
វត្ថុតាងរួមមាន៖ ម្សៅក្រាមពណ៍ស ថ្លា សង្ស័យជាសារធាតុញៀនខុសច្បាប់ ចំនួន ២១កញ្ចប់ មានទម្ងន់ ៦៨ក្រាម និងទូរស័ព្ទដៃចំនួន ០២គ្រឿង ម៉ូតូចំនួន ០១គ្រឿង ជញ្ជីងថ្លឹងថ្នាំញៀនចំនួន ០១គ្រឿង ឧបករណ៍ប្រើប្រាស់ ថ្នាំញៀនមួយចំនួនទៀត ។
បច្ចុប្បន្នជនសង្ស័យ និងវត្ថុតាងត្រូវបានសមត្ថកិច្ចបញ្ជូនខ្លួនមកកាន់សាលាដំបូងខេត្តកំពង់ធំ ដើម្បីចាត់ការបន្តតាមនីតិវិធី ៕
