ប្រទះឃើញគ្រាប់បែក ត្រូវគេទុកលើធុងសំរាមក្នុងក្រុងព្រះសីហនុ !!
(ព្រះសីហនុ)៖ មានការភ្ញាក់ផ្អើលខ្លាំងមួយបានកើតឡើង ខណៈដែលប្រជាពលរដ្ឋ បានប្រទះឃើញគ្រាប់បែក២គ្រាប់ ត្រូវបានគេដាក់នៅលើធុងសំរាម។
ហេតុការណ៍នេះកើតឡើងកាលពីរសៀល ថ្ងៃទី១៤ ខែតុលា ឆ្នាំ២០១៩ នៅម្តុំទួលខ្សាច់ ក្នុងសង្កាត់លេខ៤ ក្រុងព្រះសីហនុ ខេត្តព្រះសីហនុ ។
បើតាមនគរបាលប៉ុស្តិ៍រដ្ឋបាលសង្កាត់លេខ៤ បានបញ្ជាក់ថា ក្រោយធ្វើការពិនិត្យទើបដឹងថា នេះមិនមែនជាគ្រាប់បែកមែនទែនទេ គឺជាគ្រាប់បែកជ័រ មើលទៅដូចបេះបិទ ទៅនឹងគ្រាប់បែកមែនទែន និងថា ទំនងជាមានក្មេងលេងហើយចោលនៅទីនោះ ទើបប្រជាពលរដ្ឋប្រទះឃើញមានការភ័យខ្លាច ក៏រាយការណ៍មកសមត្ថកិច្ចចុះពិនិត្យ និងយកចេញហើយ៕
@tvfb
