ឃាត់ខ្លួនបុរសជនជាតិឡាវម្នាក់ ពាក់ព័ន្ធករណីជួញដូរគ្រឿងញៀនជិត៣គីឡូក្រាម នៅស្ទឹងត្រែង
ភ្នំពេញ៖ បុរសជនជាតិឡាវម្នាក់ ត្រូវកម្លាំងនគរបាលខេត្តស្ទឹងត្រែង កាលពីយប់ថ្ងៃទី០២ ខែតុលា ឆ្នាំ២០១៩ម្សិលមិញ បានឃាត់ខ្លួន ពាក់ព័ន្ធករណីជួញដូរគ្រឿងញៀនជិត ៣គីឡូក្រាម នៅក្បែរច្រកព្រំដែន កម្ពុជា-ឡាវ ត្រពាំងគ្រៀល បន្ទាប់ពីជនសង្ស័យឆ្លងចូលទឹកដីកម្ពុជា។
ជនសង្ស័យ មានឈ្មោះ សា វី ភេទប្រុស អាយុ ៣៥ឆ្នាំ ជនជាតិឡាវ មុខរបរ កសិករ រស់នៅ ភូមិឡាក់សៅ ស្រុកខាំកឺប ខេត្តបូ លី ខាំសៃ ប្រទេសឡាវ។
បច្ចុប្បន្ន ជនសង្ស័យ និងវត្ថុតាងត្រូវបាន បញ្ជូនទៅកាន់ស្នងការនគរបាលខេត្តស្ទឹងត្រែងដើម្បីចាត់ការបន្តតាមនីតិវិធី និងកសាងសំណុំរឿងបញ្ជូនទៅតុលាការ៕
អត្ថបទ៖ សុខ លាភ
